Араас да «обувщиктар» бааллар эбит! Ама, биллиэ суоҕа диэтэҕэ дуу?
Дьокуускай куорат полициятын 2 №-дээх отделыгар биир дьахтар этэрбэһин уордарбытын туһунан тыллаабыт.
Эмсэҕэлээччи быһаарбытынан, кини этэрбэһин атах таҥаһын оҥорооччуга уллаттара биэрбит. Онтон сотору буолан баран, этэрбэһин ыла кэлбитэ — арай суох, мэлийбит. Тута полицияҕа эрийбит.
Суһал-ирдиир тэрээһиннэр кэмигэр оперативниктар уорбаланааччы кимин билбиттэр — ол атах таҥаһын оҥорооччу 52 саастаах киһи эбит. Урут уорууга түбэһэн, сууттана сылдьыбыт киһи.
Онно биллибитинэн, бу киһи этэрбэһи 30 тыһ. солк. атыылаан баран, харчытын туттубут.
Бу чахчынан «Дьон малын иҥэринии, итэҕэстэтии» ыстатыйанан холуобунай дьыала тэриллибитин туһунан СӨ ИДьМ-тын пресс-сулууспата иһитиннэрдэ.
Хаартыска: интэриниэттэн.