Төгүл Сергеевич Зверев, Сунтаар улууһун Бочуоттаах олохтооҕо:
— Эдэр, аныгылыы көрүүлээх киһи биһиэхэ салайааччы буолан сылдьар. Онуоха кинини утарар дьон бааллар. Онтон мин наһаа хомойобун. Кини Арассыыйа таһымнаах элбэх үлэни ыыта сылдьар. Ити Өлүөнэ муостатын да ылан көрүөҕүҥ – бу боппуруоһу урукку салалта кыайбатаҕа эбээт. Кини хайдах эрэ олоҕуттан хоҥнорон эрэр дии саныыбын. Ону тэҥэ, элбэх үп-харчы кэлэрин туруорсан ситистэ. Анал этиитигэр улахан соруктары туруорда, ону биһириибин.
Онон мин эдэр киһиэхэ, Айсен Сергеевичкэ, дьон олоҕун уйгута тупсарыгар анаммыт өссө киэҥ далааһыннаах үлэни баҕарабын. Улахан таһымнаах салайааччы, Дархан кэлбититтэн үөрүөх эрэ тустаахпыт уонна кини үлэтигэр көмөлөһүөхтээхпит, өйөбүл буолуохтаахпыт. Ону биһиги төттөрүтүн, таҥнара тарда сатыыбыт. Ити уруккуттан сахаҕа баар кыдьык, тахсан эрэ киһини самнарар диэн. Айсен Сергеевич өссө да күүскэ үлэлиэҕэ дии саныыбын, иккис болдьоҕор талылларыгар баҕарабын.
Ангелина Васильева, “Саха сирэ” хаһыат, edersaas.ru