Улахан үлэ үмүрүтүлүннэ

Ааптар: 
Бөлөххө киир:

Былырыын СӨ Экологияҕа, айылҕаны туһаныыга уонна ойуур хаһаайыстыбатын министиэристибэтэ Саха сирин үрдүнэн бултуур сири-уоту туһаныы, исхиэмэтин оҥоруу уонна харыстааһын диэн анал бырайыагын оҥорон түмүктээбитэ.

Санатар буоллахха, бу үлэ инньэ 2012 сылтан саҕаламмыт. Көрөрбүт курдук, 10 сыл буолан баран биирдэ бүтэһик «туочука» туруоруллара ситиһиллибит. Эмиэ да уһуннук оҥоһуллубута сөп. Манна хас биирдии улуус уонна куорат бултуур сирэ-
уота барыта хабыллар. Онон олус улахан үлэ үмүрүтүллүбүт диир толору кыахтаахпыт. Саха сирин үрдүнэн бултуур сири-уоту туһаныыны, исхиэмэтин оҥоруу уонна харыстааһын боппуруоһа “РФ Булт туһунан сокуонун” бары ирдэбиллэригэр сөп түбэһиннэрэн оҥоһулуннулар.
2022 сыл тохсунньу 1 күнүнээҕи туругунан Саха сиринээҕи Судаарыстыбаннай булт хаһаайыстыбатын реестригэр 334 бултанар сири-уоту туһанааччылар бааллар, кинилэргэ барыта 121970040 гектар иэннээх бултаныллар сир-уот
сыһыарыллыбыт (50,6%). Онтон уопсай бултаныллар сир-
уот иэнэ 119028587 гектарынан быһыллыбыт (49,4%).
«Саха сиригэр бултаныллар сир-уот исхиэмэтин оҥоруу, туһаныы уонна харыстаа-
һын туһунан» диэн бырайыакка ыытыллыбыт «төгүрүк остуол» түмүгүнэн «СӨ Булт уонна булт ресурсатын харыстыыр туһунан» сокуоҥҥа уларытыыны киллэрэр аналлаах сокуон ылыллыбыта (28.04.2022). Саҥа уларытыыга этиллэринэн, уопсай бултанар сир-уот кээмэйэ бары бултаныллар сир-уот иэниттэн 30 бырыһыантан кырата суох буолуохтаах. Бу иэнин уонна кыраныыссатын улуустарга уонна куораттарга баар олохтоох бэрэс-
тэбиитэллээх уорганнар (дьокутааттара сэбиэттэрэ) быһаараллар. Итинэн сибээстээн, СӨ Экологияҕа, айылҕаны туһаныыга уонна ойуур хаһаайыстыбатын министиэристибэтэ улуустар
уонна куораттар бэрэстэбиитэллээх уорганнарыгар бэйэлэрин улуустарыгар уонна куораттарыгар уопсай бултаныллар сир-уот иэнин уонна кыраныыссатын быһан оҥороллоругар сөптөөх быһаарыыны ылыналларыгар диэн ис хоһоонноох суруктары ыыталаабыт. Улуустарга баар бэрэстэбиитэллээх уорганнар быһаарыыларын көрөн баран, «Сахагипрозем» АУо-ны кытта былырыын оҥоһуллубут Саха сирин бултаныллар сирин-
уотун исхиэмэтигэр уларытыылар киллэриллиэхтэрэ. Уонна ол түмүгүнэн хас биирдии улууска, куоракка уопсастыбаннай истии буолуоҕа. Уопсастыбаннай истии-
лэр түмүктэринэн тустаах докумуон ситэриллэн, салгыы СӨ Ил Дарханын көрүүтүгэр киирэн, анал Ыйааҕынан бигэргэниллиэҕэ. Билиҥҥи туругунан СӨ Экологияҕа, айылҕаны туһаныыга уонна ойуур хаһаайыстыбатын министиэристибэтэ улуустар дьаһалталарын кытта тустаах үлэ хаамыытын хонтуруоллаһа олорор. Ол курдук, атырдьах ыйын 15 күнүнээҕи туругунан 20 улуус бэрэстэбиитэллээх уорганнара ирдэбил быһыытынан ылыллар быһаарыыларын толорон ыыппыттар. Хаалбыт 15 улуус дьаһалталара хойутаппакка ыытыахтара диэн эрэнэллэр.

Сэрэбиэй түмүктэннэ
Быйыл күһүҥҥэттэн саҕалаан туйахтаах кыыллары бултуурга көҥүлү биэриигэ аналлаах сэрэбиэй ыытыллан түмүктэннэ. Манна сыыппаралары талар генератор ньымата (генератор случайных чисел) туһаныллар.
Сэрэбиэй тэрээһинэ СӨ Экологияҕа, айылҕаны туһаныыга уонна ойуур хаһаайыстыбатын министиэристибэтин офи-
циальнай саайтыгар быһа эпииргэ тута тахсыбыта. Өрөспүүбүлүкэ үгүс муннуктарыттан 25806 сайа-
былыанньа киирэн, барыта 216 лот оонньонуллан, түмүгэр 1863 киһи туйахтаах кыылы бултуурга аналлаах лиссиэнсийэни ылара быһаарыллыбыт. Санатар буоллахха, сэрэбиэй ыытыллыбытын кэнниттэн үлэ биир күнүн иһинэн боротокуол оҥоһуллан, уопсай түмүк СӨ Экологияҕа, айылҕаны туһаныыга уонна ойуур хаһаайыстыбатын министиэристибэтин официальнай саайтыгар тахсар.
Сэрэбиэй буолбутун кэнниттэн ол түмүгэ сайабылыанньа-
лаахтарга ыытыллар:
— сэрэбиэй боротокуола оҥоһуллубутун кэнниттэн сайабылыанньалаах тус кэбиниэтигэр түмүк тиийэр. Өскөтүн сайа-
былыанньа судаарыстыбаннай уонна муниципальнай өҥө порталынан кэлбит буоллаҕына.
— Өскөтүн бултуон баҕарар киһи сайабылыанньатын суругунан ыыппыт буоллаҕына, тустаах
түмүк биэс күн иһинэн почтатааҕы аадырыһыгар, ыйбыт электроннай почтатыгар тиэрдиллэр.
Ону тэҥэ, сэрэбиэй түмүгүнэн сөптөөх эппиэти ылбыттарга кыылы бултуурга аналлаах лиссиэнсийэни ыларга сайабылыанньаны ыыталларын туһунан иһитиннэрии тиийэр. Онон сибээстээн, сэрэбиэй түмүгүнэн хапсыбыт дьон атырдьах ыйын 1 күнүттэн атырдьах ыйын 31 күнүгэр диэри Саха сирин судаарыстыбаннай өҥө порталын көмөтүнэн тустаах көҥүлү ханнык күҥҥэ, хантан кэлэн ылыахтааҕын барытын ыйан ыытыахтаах.
Оттон атырдьах ыйын 31 күнүн кэнниттэн ылыллыбакка хаалбыт көҥүл хаттаан сэрэбиэйдэнэр. Ол курдук, СӨ Экологияҕа, айылҕаны туһаныыга уонна ойуур хаһаайыстыбатын министиэристибэтин официальнай саайтыгар атырдьах ыйын 31 күнүн кэнниттэн икки оруобачай күн иһинэн төһө көҥүл хаалбытын уонна сэрэбиэй хаттаан ыытылларын туһунан иһитиннэрии тахсар.
Саамай сүрүнэ, кыылы бултуурга аналлаах көҥүлү ыларга сайабылыанньаны биэрэн баран, 7 күн иһинэн хайаан да судаарыстыбаннай түһээни төлөнүллүөхтээх. Өскөтүн ити кэм иһинэн төлөөбөтөххө, сайабылыанньа-
лаах киһиэхэ булт көҥүл ыларыгар тута аккаас кэлэр.

+1
0
+1
0
+1
0
+1
0
+1
0
+1
0
+1
0