Улахан куйааска утаххын ханнар (СҮБЭ)
Олох-дьаһах - Саха ыала - Сүбэһит

Улахан куйааска утаххын ханнар (СҮБЭ)

Билигин төһө даҕаны сөрүүн күннэр турбуттарын иһин, сотору сырылатан сылаас күннэр түһүөхтэрэ. Өбүгэлэрбит саҕаттан тиийэ кэлбит быырпахпытын оҥостон, улахан куйааска утаххытын ханнарыҥ.

edersaas.ru

Быырпах 1. (Тарбаахаптыы)

Ирдэниллэр: 1 лиитэрэ сылаас уу, 2 ост. ньуоска сгущеннай үүт, ыстакаан аҥаара быырпах, кыратык суорат.

Хайдах бэлэмниибит: Састааппытын барытын 3 лиитэрэлээх иһиккэ кутан күүгэн аллыар диэри булкуйан баран сылаас сиргэ уурабыт. Кэмиттэн-кэмигэр ылан буккуйабыт. Икки хас күнүнэн бэлэм буолар.

 

Быырпах 2.

Ирдэниллэр: 3 лиитэрэ уу, кыратык аһыйбыт суорат, 10 ост. ньуоска саахар.

Хайдах бэлэмниибит: Биэс лиитэрэлээх иһиккэ састааппытын барытын кутан күүгэн тахсыар диэри булкуйуллар. Хаппахтаан баран, 2-3 күн устата сахсыйан биэрэ-биэрэ туруорабыт. Сөп буолла диэтэхпитинэ ылан дэлби буккуйан баран иһиттэргэ кутан сөрүүн сиргэ уурабыт.

 

Быырпах 3.

Ирдэниллэр: 1 лиитэрэ уу, 0,5 ыстакаан сүөгэй эбэтэр ынах үүтэ, 1 кыра ньуоска суорат.

Хайдах бэлэмниибит: Оргуйбут ууга сүөгэйи, суораты кутан хабахтар тахсыахтарыгар диэри ытыйыллар. Уонча чаас устата сылаас сиргэ ыга хаппахтаан уурабыт. Көөнньүбүт быырпаҕы сойутуллар, иһиэх иннинэ булкуйуллар.

 

Быырпах 4.

Ирдэниллэр: Быһа холоон 1 лиитэрэ уу, уонча ост. ньуоска суорат, 2-3 остолобуой ньуоска сгущеннай үүт.

Хайдах бэлэмниибит: Сөрүүтүйбүт ууга суораппытын, сгущеннай үүппүтүн кутан дэлби ытыйабыт. Салгын киирбэт гына хаппахтаан баран 10-ча чаас сылаас сиргэ уурабыт. Кэмиттэн-кэмигэр арыйан ытыйабыт. Сүөгэй эбэн баран 2 чаас курдук сөрүүн сиргэ уурабыт. Таһааран ытыйа түһэн баран иһэбит.

 

Быырпах 5.

Ирдэниллэр: 5 лиитэрэ уу, 2 ыстакаан суорат, 1 баанка сгущенка, 200-300 кыраам саахар

Хайдах бэлэмниибит: Барытын улахан иһиккэ кутан баран ытыйабыт. 2 суукка устата сылаас сиргэ, тэпилииссэҕэ туруорабыт, кэмиттэн-кэмигэр булкуйабыт.

 

“Саха сирэ” хаһыат, edersaas.ru

Хаартыска: Бизнес инкубатор резиденэ.

1
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

девятнадцать + 14 =