Норуоттар сомоҕолоһууларын күнүнэн «Улахан этнографическай дьыктаан» ыытыллар.
«Народов много – страна одна!» диэн ыҥырыынан алтыс төгүлүн норуоттар икки ардыларынааҕы «Улахан этнографическай дьыктаан» сырдатар аахсыйа ыытыллар.
Аахсыйа сэтинньи 3-7 күннэригэр онлайн киэбинэн www.miretno.ru саайтка былааннанар. Тэрээһин үгэс курдук бэлиэ күҥҥэ ананар диэн СӨ Инновацияҕа, сыыппара сайдыытыгар уонна инфокоммуникация технологиятын министиэристибэтин пресс-сулууспата иһитиннэрэр.
Дьыктаан Арассыыйаҕа олорор норуоттар тустарынан, этнографическай билии таһымын тургутар. Ону сэргэ, норуоттар икки ардыларыгар ил-эйэ боппуруостарыгар уопсастыбаннас болҕомтотун тардар.
Сорудахтар сэтинньи 3 күнүгэр 00.01 ч. (Москуба бириэмэтинэн) «Улахан этнографическай дьыктаан» официальнай саайтыгар www.miretno.ru тахсыахтара.
Тест сорудаҕыгар 20 ыйытыы — бары кыттааччыларга тэҥ, уопсай федеральнай чаас; 10 ыйытыы — Арассыыйа хас биирдии субъегар туһуланар, региональнай чаас; 30 ыйытыы — Арассыыйа таһыттан кыттааччыларга барыларыгар тэҥ, тас дойдуга сыһыаннаах ыйытыылартан. Сорудаҕы барытын толорбуттарга 100 баал бэриллэр. Дьыктааҥҥа 45 мүнүүтэ бэриллэр. Дьыктаан кэнниттэн кыттааччы тус түмүгүн тутар.
Сиһилии иһитиннэриини www.miretno.ru саайтка көрүөххэ сөп. Маны сэргэ, ВКонтакте — https://vk.com/miretno Инстаграм — https://www.instagram.com/etnodictant/ Фейсбук — https://www.facebook.com/miretno көрүөххэ сөп.
+1
+1
+1
+1
+1
+1
+1