Улахан дьон 84%-на быһыыны ылбыт

Бөлөххө киир:

Кулун тутар 15 күнүнээҕи туругунан, өрөспүүбүлүкэҕэ 48 мэдиссиинэ тэрилтэтигэр коронавируһу утары быһыыны ылыахха сөп. Барыта 276 вакцинация пууна үлэлиир.

Бүгүҥҥү күҥҥэ быһыы бастакы укуолун улахан дьоҥҥо – 602 941 киһи ылбыт, иккис укуолун – 563 763 киһи. Ол иһигэр 60 саастарын ааспыт дьоҥҥо: бастакы укуолун – 122 899 киһи (86,7%), икки укуолун – 115 431 киһи ылбыт.

Оттон 12-17 саастаах оҕолорго 417 киһи ылбыт. Обургу оҕолорго быһыыны биэрэр пуун Дьокуускайга Петровскай уулуссатын 10/1 -гэр үлэлиир. Бастаан поликлиникаларга суруйтаран баран, ыҥырдахтарына, болдьоҕор тиийиллэр. 12-15 саастаах оҕолор төрөппүттэрин кытары, 15-17 саастаахтар докумуоннарын илдьэ бэйэлэрэ тиийиэхтэрин сөп.

148 391 киһи быһыыны (ревакцинация) хос ылбыт.

Онон, өрөспүүбүлүкэ үрдүнэн коронавируснай инфекцияны утары быһыыны улахан дьон 84%-на ылбыт диэн доруобуйа харыстабылын министиэристибэтэ иһитиннэрэр.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

+1
0
+1
0
+1
0
+1
0
+1
0
+1
0
+1
0