Доруобуйа

Улахан дьон 84,3%-на быһыыны ылбыт

Кулун тутар 18 күнүнээҕи туругунан, Саха сиригэр ааспыт суукка иһигэр 614 киһи коронавирустан үтүөрдэ диэн өрөспүүбүлүкэтээҕи суһал ыстаап иһитиннэрэр.

“Роспотребнадзор” управлениетын дааннайынан, суукка иһигэр 498 киһи ыалдьыбыт, 40 киһи балыыһаҕа киирбит, 3314 анаалыс оҥоһуллубут. Кулун тутар 18 күнүгэр балыыһаҕа ыалдьыбыт дьон 13,4%-ра, дьиэлэригэр 86,6%-ра эмтэнэр. Суһал ыстаап иһитиннэрэринэн, ыарыһахтар уопсай ахсааннарыттан 15%-ра “дельта” штаммынан ыараханнык ыалдьаллар.

Саха сиригэр вакцинация салҕанар. Бүгүҥҥү туругунан, коронавируһу утары быһыы бастакы укуолун 604 599 киһи (улахан дьон 84,3%-ра) ылбыт. Быһыыны хос (ревакцинация) 149 761 киһи ылбыт (хос ылар болдьохторо кэлбит дьон 62,7%-ра). Алдаҥҥа, Нерюнгригэ, Мэҥэ Хаҥаласка бу көрдөрүү намыһах.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

0
0
Telegram @edersaas20