Улахан дьон 52,2%-на быһыыны ылбыт

Бөлөххө киир:

Суһал ыстаап салайааччытын солбуйааччы Ольга Балабкина иһитиннэрбитинэн, өрөспүүбүлүкэҕэ ковидынан ыараханнык ыалдьыбыт киһи ахсаана улаатан иһэр. Балыыһаҕа 190 ыарахан туруктаах киһи, ол иһигэр 35 киһи ИВЛ аппараатыгар сытар. Ыалдьыбыт дьон 21%-ра – оҕолор.

Бэҕэһээҥҥиттэн саҕалаан, ковиды эмтиир балыыһаларга реанимацияҕа уонна амбулаторияҕа эбии куойкалары киллэрдилэр. Стационардар миэдиктэринэн, анал тэрилинэн, эминэн толору хааччыллан тураллар.

Вице-премьер эппитинэн, коронавируснай инфекцияны утары быһыы бастакы укуолун 374 тыһыынча киһи (ол улахан дьон 52,2%-на), ол иһигэр 60 саастарын ааспыт 71,3 тыһыынча киһи ылбыт. Алта ый кэнниттэн хос быһыыны 20 807 киһи ылбыт.

Билиҥҥи туругунан, коронавируһу утары быһыы (“Спутник V”, “Спутник Лайт”) бары улуустарга, балыыһаларга толору баар.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

+1
0
+1
0
+1
0
+1
0
+1
0
+1
0
+1
0