А.Е.Кулаковскай аатынан норуоттар доҕордоһууларын дьиэтигэр «Тойук» ансаамбылы салайар Федорова Галина Гаврильевна Хаҥалас улууһугар, Улахан Ааҥҥа, М.Е.Васильева аатынан орто оскуола иһинэн, Айыы Уолун аатынан ырыа оскуолатын тэрийбитэ.
Бу туһунан пресс-сулууспа иһитиннэрэр. Ол курдук, кулун тутар 3-7 күннэригэр оскуола бары кылаастрыгар Айыы Уола-Александр Самсонов ырыаларынан маастар-кылаастар ыытыллыбыттар. Оҕолор ырыалары ис сүрэхтэриттэн иэйэн, кыһаллан ыллаабыттар.
Александр Самсонов — Айыы Уола 1990-с сыллардааҕы ыччаттар сүрэхтэрин истиҥ ырыаларынан туппута, саха эстрадатын биир чаҕылхай, биллэр-көстөр ырыаһытынан буолбута. Кини 30-тан тахса ырыалаах, икки альбомнаах. Хаҥалас улууһугар Улахан Ааҥҥа төрөөбүтэ. 20 сааһыгар орто дойдуттан барбыта.
Улахан Аан оҕолоро дойдулаахтарын Александр Самсонов ырыаларын киэн туттан ыллыыллар. Айыы Уолун аатынан ырыа куонкуруһа далааһыннаахтык ыытыллар. Кини ырыаларыгар үҥкүүлэр туруоруллаллар.
+1
+1
+1
+1
+1
+1
+1