Хаҥалас улууһугар Улахан Ааҥҥа хатыыс собуотун тутары былаанныыллар.
АГАТУ ректорын быстах кэмҥэ солбуйааччы Константин Кривошапкин Өктөм филиалын дириэктэрин солбуйааччы Александр Семеновы, бэтэринээринэй мэдиссиинэ бакылтыатын бэтэринээринэй-санитарнай эспэртиисэ уонна гигиена хаапыдыратын (ВСЭ) ыстаарсай преподавателэ Марианна Ершованы кытта Улахан Аан сэлиэнньэтигэр «Главрыбвод» ХЭУо баазатыгар сырыттылар. Кэлэр өттүгэр манна хатыыс собуотун тутары былаанныыллар.
«Главрыбвод» ХЭУо салайар Петр Артамонов ыалдьыттарга сордоҥ уонна хатыыс искэҕин инкубациялааһын (инкубаторга үөскэтэр) туһунан сырдатта. Бу кэнниттэн салгыы кыра сордоҥнору Өлүөнэ эбэҕэ ыыттылар. Сайын хатыыс ыамаларын инкубаторга үөскэтии, улаатыннарыы үлэтин тэрийэн ыытар былааннаахтар. Үлэнэн көрсүһүү түмүгэр «Главрыбвод» ХЭУо уонна АГАТУ научнай-методическай үлэҕэ уонна балык салаатыгар үлэлииргэ каадырдары бэлэмнээһиҥҥэ бииргэ үлэлэһэр туһунан сөбүлэһии түһэристилэр.
+1
+1
+1
+1
+1
+1
+1