Маны аах Уопсастыба

Украинаттан киирбит массыыналарга ОСАГО оҥорторорго болдьох уһаата

РФ бэрэсидьиэнэ Владимир Путин Луганскай, Донецкай Өрөспүүбүлүкэлэртэн уонна Украинаттан киирэр массыыналарга ОСАГО полиһын оҥорторору сокуоҥҥа илии баттаата.

 

Бу сокуон Украинаттан ОСАГО полиһа суох бэйэлэрин тырааныспардарынан Арассыыйа сиригэр-уотугар ыксалынан киирбит дьон ОСАГО оҥортороллорун  90 хонукка диэри уһатары көҥүллүүр. Бу миэрэ 2023 сыл тохсунньу 1 күнүгэр диэри үлэлиир диэн Объясняем.рф саайт суруйар.

Өскөтүн, маннык массыына суол саахалыгар түбэстэҕинэ (2022 сыл ахсынньы 31 күнүгэр диэри), эмсэҕэлээбит дьон Страховкаһыттар идэтийбит түмсүүлэрин суотуттан харчынан төлөбүрү ылар бырааптаахтар. Олоҕор, доруобуйатыгар эчэйиини ылбыт буоллаҕына – 500 тыһыынча солкуобайга диэри, баайа-дуола эмсэҕэлээбит буоллаҕына – 400 тыһыынча солкуобайга диэри. 

Ангелина Васильева, “Саха сирэ” хаһыат, edersaas.ru

Хаартыска: sakhagov.ru.

0
0
Telegram @edersaas20