УК-лар төлөбүрү хомуйар бырааптара быһыллыан сөп

Бөлөххө киир:

Олорор дьиэ, хомунаалынай өҥө төлөбүрдэрин салайар хампаанньаларга, ТСЖ-га төлөөн, онтубутун ититиинэн, итии, тымныы уунан, уотунан хааччыйар хампаанньаларга тириэрдэн быстыбаттар. Сотору кэминэн тиксиһиннэрээччитэ суох, нууччалыы эттэххэ, посреднига суох тута туһааннаах тэрилтэҕэ төлүүр кыахтаныахпыт.

edersaas.ru

«Российская газета» хаһыат суруйарынан, хомунаалынай төлөбүрдэри тиксиһиннэрээччитэ суох төлүүр туһунан сокуон барыла Судаарыстыбаннай Дуума көрүүтүгэр киллэриллиэҕэ.

Бүгүҥҥү туругунан Арассыыйа үрдүнэн олорор дьиэ, хомунаалынай өҥө төлөбүрдэригэр иэс-күүс 3 трлн. солкуобайга тиийдэ. Саамай элбэх иэскэ салайар хампаанньалар уонна да атын юридическэй сирэйдэр сылдьаллар. Бу тэрилтэлэр тиксиһиннэрээччи быһыытынан буолаллар.

РФ Тутуутун министиэристибэтэ этэринэн, салайар хампаанньа счетугар подъеһы, бөҕү-саҕы хомуйуу, өрөмүөн уо.д.а. төлөбүрдэр киириэхтээхтэр. Оттон уу, уот, ититии харчыта тута өҥөнөн хааччыйар тэрилтэҕэ төлөнүөхтээх.

Анивера Акимова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0