Владимир Путин 2016 с. бигэргэппит “Уһук Илиҥҥи федеральнай уокурук састаабыгар киирсэр Арассыыйа Федерациятын субъектарын сиригэр-уотугар судаарыстыбаннай итиэннэ муниципальнай бас билиигэ баар сир учаастактарын гражданнарга биэрии уратытын уонна Арассыыйа Федерациятын сорох сокуоннарын актатыгар уларытыылары киллэрии туһунан” сокуона олоххо үс түһүмэҕинэн киллэриллибитэ.
Биһиги өрөспүүбүлүкэбитигэр “босхо гектар” чэрчитинэн ойуур пуондатыттан сир учаастагын ыларга 6 тыһыынча 386 сайаапка киирэн, 2 тыһыынча 889 дуогабар түһэрсиллибитэ. Дьон сир учаастагын дьиэ-уот туттар сайылык оҥостор, хаһаайыстыба тэринэр эбэтэр бултуур, балыктыыр сыаллаах ылаллар. Өрөспүүбүлүкэ лесничестволара ойуур учаастактарын көрүү-истии былааныгар сөп түбэһиннэрэн, Экология, айылҕаны туһаныы уонна ойуур хаһаайыстыбатын министиэристибэтин кытары бэриллибит сир хайдах туһанылларын бэрэбиэркэлээһини саҕалаатылар.
Раиса Сибирякова, «Саха сирэ» хаһыат, edersaas.ru
+1
+1
+1
+1
+1
+1
+1