Сахалыы үөрэтэр саҥа уһуйаан аһылынна

Бөлөххө киир:

Дьокуускайга 203-с түөлбэҕэ “Сардаана” уһуйаан дьиэтэ тутуллан, балаҕан ыйын 3 күнүгэр аанын тэлэччи арыйда. Бу 315 миэстэлээх, 4644 кв.м. иэннээх уһуйааны судаарыстыбаннай-чааһынай партнерство бырагырааматынан “Газэнергомонтаж” ХЭТ (“ВИС” тэрилтэ салаата) тутан киллэрдэ.

Бу уһуйаан оҕолору саха, нуучча, английскай тылларынан үөрэтиэҕэ. Биллэрин курдук, куорат уһуйааннарыгар саха тылынан үөрэтэр тэрилтэ аҕыйах. “Сардаанаҕа” ханнык бырагырааманан саха тылын үөрэтэллэр эбитий?

Саргылана Степановна Ю, сэбиэдиссэйи иитэр-үөрэтэр үлэҕэ солбуйааччы:

Өрөспүүбүлүкэ оскуола иннинээҕи саастаах оҕолор тэрилтэлэригэр сахалыы тылынан “Кустук” бырагыраама оҥоһуллубута. Онно анал айар бөлөх үлэлээбитэ. Үөрэх министиэристибэтэ бигэргэппитэ. Онон быйылгыттан сахалыы тыллаах уһуйааннар бары ити бырагырааманан үлэлиэхтэрэ.

Бу бырагырааманы биһиги уһуйааммытыгар боруобалаан, апробация ыытыахтаахпыт. Технологиятын атын уһуйааннарга, иитээччилэргэ үөрэтиэхпит. Уратыта – оскуола иннинээҕи үөрэхтээһин стандартыгар сөп түбэһэр, ол тутулугар эппиэттиир. Модульнай технология киириэхтээх, ол аата хас биирдии оҕо иитэр-үөрэтэр эйгэтигэр, сайдыытыгар бэйэтэ суолу булуна үөрэниэхтээх. Билии-көрүү өттүнэн киэҥник сайдарыгар, иитээччилэр кинилэргэ усулуобуйа тэрийэн биэриэхтээхпит. Ол өттүнэн уратылаах.

Ангелина Васильева, “Саха сирэ” хаһыат, edersaas.ru

Ааптар хаартыска түһэриитэ.

+1
0
+1
0
+1
0
+1
0
+1
0
+1
0
+1
0