Уһуйаан кырачааннара кэрэни айарга күрэстэстилэр

Ааптар: 
Бөлөххө киир:

Өрөспүүбүлүкэтээҕи тиэхиньикум интэринээт исписэлиистэрэ араас тэрээһиннэри ыытыыга оҕо тэрилтэлэригэр сүбэ-ама буолаллар, интэриэһинэй тэрээһиннэри көҕүлүүллэр.

edersaas.ru

Биир маннык тэрээһини  парикмахердар бөлөхтөрүн маастара Сардаана Павлова  оҕо уһуйааныгар көҕүлээтэ. Бу туһунан бырайыак ааптара маннык кэпсиир:

— Тиэхиньукумҥа  «Ураты талааннар»  диэн бырыайагы торумнаабытым. Бэйэбитигэр тэрээһини ыытан баран,  «Белоснежка» чааһынай оҕо сайдар киинин уһуйааныгар ыытарга этии киллэрбитим. Иитээччилэр ылынан, оскуолаҕа киириэн иннинэ саастаах оҕону бэлэмниир 5-6 саастаах кыргыттар бөлөхтөрүгэр «Кыһыҥҥы фантазия- 2020» куонкуруһу тэрийбиттэрэ. 

Кырачаан парикмахердар сатабылларын көрөр күөн күрэс дьүүллүүр сүбэтигэр уһуйаан методиһа Елена Пахомова, кылаабынай исписэлиис Нарыйа Иннокентьева, уһуйаан ыстаарсай бөлөҕүн иитээччитэ Людмила Шишигина үлэлээтилэр.

Куонкуруска 1 миэстэҕэ Аделина Павлова, иккис миэстэҕэ Алия Колыбаева, 3 миэстэҕэ Элеонора Игнатьева таҕыстылар.

Бу маннык тэрээһиннэр оҕону кэрэни айарга көҕүлүүллэрэ биллэр суол.

Уһуйаан кырачааннара мантан инньэ  араас куонкурустарга кыттарга үөрүйэхтээх буоллулар.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0