Биһиги, Уус Алдан улууһун Мүрү орто оскуолатын араас сылларга бүтэрбит, билигин өрөспүүбүлүкэ үгүс улуустарынан тарҕаһан, ситиһиилээхтик үлэлии-хамсыы сылдьар дьон, олус ытыктыыр уонна таптыыр учууталбытыгар Мария Петровна Федорова-Егороваҕа 75 сааһын туолбутунан сөбүлүүр хаһыаппыт нөҥүө итии-истиҥ эҕэрдэбитин тиэрдэрбитин көҥүллээҥ.
Үгүс көлүөнэ ыччаты иитэн-үөрэтэн, сайыннаран, олох киэҥ аартыгар эрэллээхтик үктэннэрбит күндү учууталбытыгар үтүө доруобуйаны, үгүс үөрүүнү, дьиэ кэргэттэригэр байылыат олоҕу, дьолу-соргуну баҕарабыт!
Ыытабыт итии эҕэрдэни!
Мария Петровна Федорова-Егорова үбүлүөйдээх күнүнэн
Учууталбыт Мария Петровна,
Биһиги – үөрэппит оҕолоруҥ,
Дойдубут араас муннуктарыттан
Ыытабыт итии-истиҥ эҕэрдэни!
Өйдүүбүт үчүгэйдик – үөрэнэрбитин,
«Букубаар» кинигэбитин бүтэрэн,
Буукубалар мунньахтарыгар
Боччумнаахтык хоһоон ааҕарбытын.
Умнубаппыт сааскы сылаас күн
Айылҕаҕа тахсарбытын,
Онно биһигини кытары
Оонньоон тэҥҥэ сүүрэргин.
Сороҕор мэник-тэник дьон
Кыратык сэмэлэнэн ыларбыт,
Үксүгэр үөрэхпитин билэммит
Эйигин сүрдээҕин үөрдэрбит.
Суохтуубут эйэҕэс мичээргин,
Үөрэр-көтөр кэрэ мөссүөҥҥүн,
Дьоһун-мааны холку көрүҥҥүн,
Биһиэхэ итии сыһыаҥҥын.
«Эн баар буолаҥҥын оҕо сааспыт
Дьоллоохтук ааспыта», — диибит,
«Эн билиигин, сүбэҕин ылынан,
Үөрэхтээх дьон буоллубут», — диибит.
Баҕарабыт өр сылларга
Бар дьоҥҥун үөрдэ сылдьаргар,
Баҕарабыт мантан антах
Өссө дьоллоохтук олороргор.
Биһиги күндүтүк саныыр,
Ийэбит тэҥэ киһибитигэр,
Эйиэхэ – Мария Петровна,
Улахан махталбытын тиэрдэбит!
Үөрэппит оҕолоруҥ.