Учуутал чэй оҥорорго ылыста

Ааптар: 
Бөлөххө киир:

Таатта улууһугар «Тааттаҕа оҥоһулунна» диэн бырыайыакка бэйэлэрин ис кыахтарын, дьоҕурдарын ууран үлэлэһэр дьон үөрэ-көтө кытталлар.

edersaas.ru

Таатта улууһун Анемподист Софронов-Алампа аатынан 1-кы №-дээх орто оскуола саха тылыгар уонна литературатыгар  учуутала Маргарита Павлова дойдутугар үүнэр эмтээх оттору үүннэриинэн дьарыктанар. Ол интэриэһин кини үлэтигэр эмиэ туһанар. Маргарита Егоровна соторутааҕыта Дьокуускайга таатталар бэйэлэрэ дьарыктаах дьон оҥоһуктарын киллэрэн, быыстапка-дьаарбаҥка оҥорбуттарыгар актыыбынай кыттыыны ылбыта. Кини сир аһыттан оҥорбут чэйин араас көрүҥэ атыыга хамаҕатык барбыта.

Учуутал кэпсииринэн, быйыл оскуолаҕа оҕолор бизнес-инкубатордара аһыллыбыт. Онно Маргарита Павлова «Фитобар» хайысхатынан  үлэлээн эрэр. Ол эбэтэр кини оҕолору чэй оҥорорго үөрэтиэҕэ.

Моонньоҕон сэбирдэҕиттэн бэрт минньигэс утаҕы амсайан, үгүс киһи астыммыта. Бу битэмииннээх чэйи оскуола оҕолоругар күһүн-саас доруобуйаларын бөҕөргөтөөрү иһэрдэллэр эбит.

Моонньоҕон сэбирдэҕин уутугар кыра саахар уонна лимон эбэбин. Мин өссө ньээм-ньээм сибэккиттэн мүөт оҥоробун. Ону күөмэй ыарыытыгар уонна сөтөлгө туттабын. Саха дьоно сыыйа бэйэбитигэр үүнэр от чэйи, утаҕы иһэ үөрэниэхпитин наада. Доруобуйаҕа олус туһалааҕын өйдүүр, ылынар кэммит кэллэ, — диэн санаатын үллэстэр отучча сылы быһа эмтээх оту хомуйар сэһэргэһээччим.

Кэлиҥҥи кэмҥэ дойдубутугар үүнэр эмтээх отторунан дьарыктанар киһи элбээн эрэр. Бэйэ бородууксуйатын оҥорон таһаарыыга тыа сирин олохтоохторо аны чэйи оҥорон таһаарыы хайысхатыгар ылсан эрэллэрэ хайаҕаллаах суол.

Елена ПОТОЦКАЯ, «Саха сирэ» хаһыат, edersaas.ru

Ааптар хаартыскаҕа түһэриитэ.

+1
0
+1
0
+1
0
+1
0
+1
0
+1
0
+1
0