Саха сиригэр Учуутал күнүн көрсө «Арассыыйа учууталларынан албан аатырар» диэн аахсыйа буола турар.
Бу аахсыйа С.Н.Донской-II аатынан Үөрэҕи сайыннарар уонна идэни үрдэтэр институт көҕүлээһининэн ыытыллар.
Манна сааһыттан, идэтиттэн, олорор уонна үлэлиир сириттэн тутулуга суох баҕалаах дьон бары кыттыахтарын сөп. Ол туһуттан учуутал туһунан хоһоону ааҕан видеоҕа (үс мүнүүтэҕэ диэри уһуннаах) устуохха уонна социальнай ситимнэргэ уган, #посвящаемвсемучителям диэн хэштеги бэлиэтиэххэ наада.
Видео-устуугут анныгар ааккытын-суолгутун, ким хоһоонун аахпыккытын суруйаргытын умнумаҥ. Итиэннэ доҕотторгор, бииргэ үлэлиир дьоҥҥор, аймахтаргар челленджкэ кыттыһалларыгар ыҥырыыны ыытаҕыт.
Бу интэриэһинэй челленджкэ биир бастакынан «Сыл бастыҥ учуутала-2015» аат хаһаайына, Өлүөхүмэ А.Л.Бахсыров аатынан Кыыллаах оскуолатын дириэктэрэ Иннокентий Малгаров кыттыста. Кини Амма Аччыгыйа «Маҥнайгы учууталбар» хоһоонун ааҕан «инстаграмыгар» киллэрдэ:
https://www.instagram.com/tv/CF4BKNPgSgC/?igshid=yq53dggr776b
Москва куоракка устудьуоннуур биир дойдулаахтарбыт Александр Ноговицын уонна Татьяна Андреева челленджкэ кытыннылар:
Күндү ааҕааччыларбыт, оҕо сааспытын, оскуолатааҕы үтүө сылларбытын ахтан-санаан ааһыаҕыҥ, челленджкэ кыттыһыаҕыҥ!
edersaas.ru