Аллайыаха улууһун балыксыттара бу күннэргэ балыктыыр учаастактарыттан тахсыбаттар. Сотору-сотору бурааннар айанныыр тыастара иһиллэр. “Аллайыаха” производственнай кэпэрэтиип төрүт аҕа ууһун общинатын (сал. Бережнов С.В.) балыгы тутааччыта Константин Стручков кэпсээбитинэн, балыгы община үлэһиттэриттэн уонна биирдиилээн дуогабардаах дьонтон тутар. Билигин кыһын бултаммыт 18 туонна уомулу туппут.
edersaas.ru
Чокуурдаахтан ыраах сытар учаастактартан туппут балыктарын бурааннарынан тиэйэллэр. Аныгы нэдиэлэҕэ 100 км сиртэн күөллэртэн быраҥааттаны таһыахтара. Быйыл Аллайыаха өрүскэ балык соччо сиэппэтэ дииллэр. Ол эрээри хоту дойду хоһуун балыксыттара кыах баарынан, айылҕа бэрсибитинэн балыктаатылар.
Константин Константинович дьон бултаабыт балыгын туттарарга интэриэстээх диир. Өссө да 30-ча туонна уомулу туттараллара буолуо диэн сабаҕалыыр.
Аны массыына суола аһылыннаҕына, Дьокуускайга тиэйэн илдьиэхтэрэ. Онон Чокуурдаах балыгын тохсунньу эргин амсайыахпыт.
Женни Стрюкова, edersaas.ru
К.Стручков хаартыската
+1
+1
+1
+1
+1
+1
+1