Балыыһаларга убатыллыбыт кислород саппааһа толору баар. Аны сотору кислороднай станциялар кэлиэхтэрэ.
Кислород тиэллэн кэлиитин хааччыйар график-былаан бигэргэммит. Былааҥҥа кислород Хабаровскайтан Дьокуускайга хайдах тиэллэн кэлэрэ, ханна хараллара, күннээҕи бараныыта барыта учуоттанар. Үс министиэристибэ анаан ити былаан туолуутун хонтуруоллуур.
Күн бүгүн убаҕас кислородун саппааһа 37,8 тонна, ол эбэтэр туһаныы муҥутуур тэтимигэр 16 хонуктаах саппаас баар. Бүгүн өрөспүүбүлүкэҕэ эбии 16 тонна убаҕас кислород кэлэрэ күүтүллэр.
Аны туран Доруобуйа харыстабылын министиэристибэтэ иһитиннэрбитинэн, СӨ Бырабыыталыстыбатын алтынньы 13 күнүнээҕи 1024-р нүөмэрдээх дьаһалынан кислороды оҥорор станциялары атыылаһыыга, ол станциялары миэстэтигэр таҥыыга, үлэлэтиигэ, исписэлиистэри үөрэтиигэ диэн анаан куонкуруска 620 мөл.солк. былааннаныллыбыт. Бу дьаһалы толорорго судаарыстыбыннай хантараак түһэрсиллибит.
Ил Дархан Айсен Николаев эппитин курдук, дьон-сэргэ доруобуйатын туһугар туох да кэрэйиллибэт.
«Саха сирэ» хаһыат, edersaas.ru
Хаартыска sakha.gov.ru