Уһук Илин уонна Арктика демографиятын сайдыыта

Бөлөххө киир:

Сотору Саха сиригэр ыытыллыахтаах киэҥ хабааннаах уонна дьоһун суолталаах тэрээһин түмүктэринэн  Уһук Илин уонна Арктика олохтоохторун үгүс боппуруостарын быһаарарга  Арассыыйа атын эрэгийиэннэрин уопутун туһаныахтара.

Ол ханнык тэрээһиний?

Бэс ыйын 23-24 күнүгэр Дьокуускайга  “Уһук Илин уонна Арктика демографиятын сайдыыта” Бүтүн Арассыыйатааҕы VII кэмпириэнсийэ буолуоҕа.

Дискуссия быһыытынан  тэриллэр былаһааккаҕа былаас федеральнай уонна эрэгийиэннээҕи уорганнарын салайааччылара, экспердэр, наука диэйэтэллэрэ уонна уопсастыбаннас бэрэстэбиитэллэрэ Уһук Илин уонна Арктика  олохтоохторун тирээн турар боппуруостарын дьүүллэһиэхтэрэ.

«Экспердэр кыттыылаах сессияларга дьоһун суолталаах боппуруостары: нэһилиэнньэ дохуотун дьиҥ элбэтии, кырдьаҕас көлүөнэ  дьон олоҕун уһатыы, социальнай хантараактары олоххо киллэрии уо.д.а. боппуруостары дьүүллэһиэхпит”, — диэн СӨ үлэҕэ уонна социальнай сайдыыга миниистирэ Елена Волкова иһитиннэрдэ.

Кэмпириэнсийэ дьаһалларыгар федеральнай уорганнар,  Арассыыйа Үлэҕэ министиэристибэтин, эрэгийиэннээҕи структуралар уонна олохтоох бэйэни салайыныы бэрэстэбиитэллэрэ, демограф-экспертер, мэдиссиинэ үлэһиттэрэ, кэммиэрчэскэйэ суох тэрилтэлэр, үөрэх тэрилтэлэрин үлэһиттэрэ кытталлара күүтүллэр.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0