Уопсастыба

Уһук Илиҥҥэ болҕомто Юрий Трутнев ананыаҕыттан күүһүрбүтэ

Уһук Илиҥҥи форумҥа ЭИСИ эспиэртиир сэбиэтин салайааччыта Глеб Кузнецов бэлиэтииринэн, эрэгийиэҥҥэ болҕомто Арҕааҥы дойдулар сааҥсыйаларын быдан иннигэр, өссө 2013 сыллаахха Уһук Илин уокурукка Юрий Трутнев полпредынан ананыаҕыттан күүһүрбүт. Сааҥсыйалар биллэриллибиттэрин да кэннэ Уһук Илин уокурукка инвестиционнай бырайыактар тохтооботохтор.

Юрий Трутнев дойду бэрэсидьиэнэ Владимир Путиҥҥа бу сылга Уһук Илин экэниэмикэтигэр 654 миллиард солкуобайы инвестиция көмөтүнэн киллэрбитин туһунан отчуоттаабыт. Вице-премьер бэлиэтииринэн, Уһук Илиҥҥи федеральнай уокуругу сайыннарыыга сүрүн хайысханан социальнай эйгэ уонна тырааныспар инфраструктурата буолаллар диэбит. Ол эбэтэр айан суолларын тиһиктээхтики тутуу уонна авиацияны сайыннарыы буолар.

Глеб Кузнецов бэлиэтииринэн, салалта Уһук Илин олоҕун таһыма Арассыыйа киин сирдэриттэн хаалсыа суохтааҕын туһугар сөптөөх бэлиитикэ ыытар.

Ульяна ЗАХАРОВА.

0
0
Telegram Whatsapp