Маны аах Уопсастыба

«Уһук Илин сулуһа» бириэмийэҕэ кыттарга 200-тэн тахса сайаапка киирдэ

Быйыл «Уһук Илин сулуһа» бириэмийэҕэ 200-тэн тахса хампаанньа, инвестордар уонна уопсастыбаннай диэйэтэллэр кытталлар.

«Уһук Илин сулуһа» бириэмийэҕэ сайаапканы ылыы түмүктэннэ. Уон биир эрэгийиэнтэн 200-тэн тахса сайаапка киирбит. 2019 сыллаахха бу күөн күрэскэ 100-тэн тахса кыттааччы күрэстэспитэ бэлиэтэнэр. Оттон былырыын, коронавирустан сылтаан тэрээһин ыытыллыбатаҕа.

Сайаапканы ылыы Владивостокка балаҕан ыйыгар алтыс төгүлүн ыытыллыбыт Илиҥҥи экэнэмиичэскэй пуорумтан саҕаламмыта. Оно РФ бырабыыталыстыбатын бэрэссэдээтэлин солбуйааччы  — Уһук Илиҥҥэ Арассыыйа бэрэсидьиэнин боломуочуйалаах бэрэстэбиитэлэ Юрий Трутнев: «Бу бириэмийэ — көхтөөх дьон күрэһэ. Уһук Илин туһунан суруйар суруналыыстарга. Ийэ дойдуларын сайыннарар,  манна олоҕу тупсарарга кыһамньылаах уопсастыбанньыктарга.  Саҥа үлэ миэстэтин тэрийэр биисинэскэ, тэрилтэлэри тэрийэр, нолуокка саҥа суоллары, уһуйааннары, оскуолалары тутар биисинэскэ ананан ыытыллар», — диэн бэлиэтээтэ.

Бу улахан күрэскэ «Лучший гектар», «Лучший работодатель», «Открытость», «Молодые львы», «Управленец», «Технологические новации», «Бизнес действие», «Иностранный инвестор», «Развитие территории» уонна «Стратегическое развитие» анал ааттар бааллар. Маны сэргэ, Уһук Илини кэрэхсэтэргэ үлэлэһэр блогердары биһирииргэ туһунан болҕомто ууруллар.

«Территорияны сайыннарыы» номинацияны сэргээччи элбэх. Манна Уһук Илин 11 эрэгийиэнигэр баараҕай бырайыактары олоххо киллэрэр 35 бөдөҥ хампаанньа кыттар баҕалааҕын биллэрбит. Кинилэр ортолоругар Амурдааҕы газохимическэй комплекс (ПАО «СИБУР Холдинг» уонна Sinopec), «КАЗ Минералз» ХЭУо, «РНГ» АУо,  «Доброфлот» ГК, «Мангазея золото», «Компания Ремсталь», «Мерси Агро Приморье», «Алаид» ХЭУо,  DNS Девелопмент ГК, Русагро, «Удоканская медь» ХЭУо, «Павлик» АУо уо.д.а. бааллар.

Маны сэргэ, «Лучший гектар» номнацияҕа 29 сайаапка киирбит. Бу бөлөххө «Дальневосточный гектар» бырагыраама кыттыылаахтара күрэхтэһэллэр. Кинилэр бырагыраама иитинэн ылбыт бырайыактарын олоххо киллэриилэрин туһунан кэпсииллэр.

Итилэри сэргэ, «Бизнес-действие» диэҥҥэ 21 сайаапка киирбитэ бэлиэтэнэр. Бу хайысхаҕа дьоҕус уонна орто биисинэс эйгэтигэр социальнай суолталаах уонна ирдэнэр бырайыактары тэрийбит хампаанньалар күөн көрсөллөр.

Бэлиэтэнэринэн Приморье, Хабаровскай кыраай, Саха сирэ, Забайкалье уонна Камчатка саамай көхтөөхтөр.

Чугастааҕы кэмҥэ хамыыһыйа хас биирдии анал аакка финалистары быһаарар уонна кинилэри Москубаҕа кыттарга ыҥырар. Дьүүллүүр сүбэҕэ Уһук Илиҥҥэ РФ Бэрэсидьиэнин боломуочуйалаах бэрэстэбиитэлин солбуйааччы Григорий Куранов; Уһук Илини уонна Арктиканы сайыннарыыга РФ миниистирэ Алексей Чекунков; Уһук Илиҥҥэ РФ Бэрэсидьиэнин боломуочуйалаах бэрэстэбиитэлин солбуйааччы Денис Андреев; гражданскай уопсастыбаны сайыннарыыга уонна киһи быраабыгар РФ Бэрэсидьиэнин Сэбиэтигэр эппиэттээх сэкирэтээр Александр Точенов; «УК Дальневосточный фонд высоких технологий» ХЭУо генеральнай дириэктэрэ Руслан Саркисов; «Корпорация развития Дальнего Востока и Арктики» АУо генеральнай дириэктэрэ Игорь Носов; ВЭБ.РФ бэрэссэдээтэлин солбуйааччы — ВЭБ.РФ бырабылыанньа чилиэнэ Артем Довлатов; «Кроноцкий государственный заповедник» ФГБУ дириэктэрэ Петр Шпиленок; Уһук Илиҥҥэ «Агентство стратегических инициатив по продвижению новых проектов»  АНО бэрэстэбиитэлистибэтин салайар Ольга Курилова; Уһук Илиннээҕи федеральнай университет ректорын э.т. Борис Коробец бааллар.

Уопсастыбаннай-дьыалабыай бириэмийэ Уһук Илиҥҥэ РФ Бэрэсидьиэнин боломуочуйалаах бэрэстэбиитэлин аппаратын, Уһук Илини уонна Арктиканы сайыннарыыга РФ министиэристибэтин, Уһук Илини уонна Арктиканы сайыннарыы корпорациятын өйөбүллэринэн 2017 сылтан ыытыллар. Бириэмийэ лауреаттарынан 100-тэн тахса урбаанньыт, тэрилтэлэр, уопсастыбаннай диэйэтэллэр уонна суруналыыстар буолбуттара.

Наҕараадалар уһук илин эрэгийиэнин тэтимнээхтик сайыннарыыга кылааттарын киллэрсибит гражданнарга уонна организацияларга хас да номинацияҕа, ол иһигэр: «Стратегическое развитие», «Управленец», «Лучший работодатель», «Развитие территории», «Бизнес-действие» уонна «Открытость» диэннэргэ туттарыллаллар.

Бириэмийэ сыала —Уһук Илини «сайдыы территориятын» уонна Арассыыйа сайдыытыгар национальнай приоритет быһыытынан көрдөрүү. Тэрийээччилэринэн Уһук Илин уокуругар Бэрэсидьиэн боломуочуйалаах бэрэстэбиитэлин аппараата, Уһук Илини уонна Арктиканы сайыннарыы министиэристибэтэ буолаллар.

Наҕараадалары туттарыы өрөгөйдөөх чааһа быйыл ахсынньыга «Москваҕа Уһук Илин эрэгийиэннэрин күннэрин» иитинэн ыытыллар. Долгутуулаах, үөрүүлээх тэрээһин туһунан эбии иһитиннэрии ыытыллыа.

Бириэмийэ оператора «Паблисити Консультационная Группа» ХЭУо www.publicity.ru

Төлөпүөн: Ольга Смирнова +7(495)775-15-50 smirnova@publicity.ru

0
0