Уһук Илини уонна Арктиканы сайыннарар пуонда (ФРДВ) коронавирус инфекцията тарҕаныытын сэрэтиигэ уонна дьаҥы аччатыыга Уһук Илин эрэгийиэннэригэр көмөнү оҥорууну саҕалаата.
edersaas.ru
Тустаах сорудаҕы РФ бырабыыталыстыбатын бэрэссэдээтэлин солбуйааччы – РФ бэрэсидьиэнин боломуочуйалаах бэрэстэбиитэлэ Юрий Трутнев биэрдэ. Бу сыалга 1 млрд тахса солкуобай бэриллиэ диэн СИА Уһук Илин уонна Арктика сайдыытын министиэристибэтин пресс-сулууспатын ссылкатыгар олоҕуран иһитиннэрдэ.
Юрий Трутнев бэлиэтииринэн, Уһук Илиҥҥэ дьаҥы сэрэтиигэ уонна тарҕаныытын бохсууга эбии миэрэлэр ылыллаллар.
“Дьон доруобуйата уһулуччу миэстэҕэ тутуллуохтаах. Арассыыйа Бырабыыталыстыбата ыарыыны сэрэтиигэ уонна диагностааһыҥҥа, эмп тэриллэрин уонна эми-тому атыылаһыыга үбү биэрэр. Дойду эрэгийиэннэригэр эбии миэрэлэр ылыллаллар. Маныаха бастакынан Уһук Илини уонна Арктиканы сайыннарыы пуондата ылыста. Улахан дьаҥтан сэрэниигэ эбии сириэстибэлэри уонна балыыһаларга тэрили атыылаһыыга үп көрүллүө. Бу Уһук Илин олохтоохторугар көдьүүстээх уонна суһал көмөнү ыларга көмөлөһүөҕэ”, — диэн бэлиэтэтэ вице-премьер.
Бу пуонда “суһал линиятын “нүөмэрэ: +74955404737
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспатын саайтыттан бэлэмнээтэ Женни СТРЮКОВА, “Саха сирэ хаһыат”
Хаартыска: бу саайтан