Дойду аҕа баһылыга Владимир Путин бүгүн 17-ис быһа биэриитин саҕалаата.
Үгэс быһыытынан дьон хамнас, биэнсийэ, ОДЬКХ төлөбүрүн, социальнай көмүскэл, кытыы нэһилиэктэргэ быраас тиийбэтин туһунан эттилэр, бу кыһалҕалар хаһан быһаарыллыахтарын туоһуластылар.
Холобур, оҕо көрөн олорор ийэлэр босуобуйалара күлүү гыммыт курдук кыратын, дьааһылаҕа, оҕо саадыгар миэстэ тиийбэтин эттилэр (Ростовкай уобаласка 1,5 — 3 диэри саастаах оҕо ыйдааҕы босуобуйата 50 солкуобай). Ону таһынан, ипотека иккис, үһүс оҕо төрөөтөҕүнэ төһөнөн кыччыырын ыйыталастылар.
Онуоха бэрэсидьиэн дьиэ кэргэҥҥэ 2-с, 3-с оҕо төрөөтөҕүнэ ипотека 6%, Уһук Илин 5% диэри намтыырын туһунан чуолкайдаата.
Маны сэргэ, нэһилиэнньэ олоҕун таһыма мөлтөөбүтүн арҕаа дойдулар санкцияларын кытта ситимнииллэрин дьон эттилэр. Маныаха Владимир Путин Арассыыйа кими да кытта иирсибэтэҕин уонна итинник санкция түмүгэр атын дойдулар эмиэ атыы-эргиэн өттүгэр илиилэрэ-атахтара бааллан, ночоотурбуттарын санатта.
Марианна ТЫРТЫКОВА, «Саха сирэ» хаһыат, edersaas.ru
Хаартыска: интэриниэттэн
+1
+1
+1
+1
+1
+1
+1