Социальнай сайдыы бырагырааматын үбүлээһинэ кэлэр сылга 20 млрд солкуобайыанан элбиэҕэ

Арассыыйа Бэрэсидьиэнэ Владимир Путин Илиҥҥи экэнэмиичэскэй форум пленарнай мунньаҕар Уһук Илин социальнай бырагырааматын уһатар уонна үбүлээһинин улаатыннарар туһунан иһитиннэрдэ.

«Биир кэлим субсидия дьайыыта уһуоҕа. Бу бырагырааманан Уһук Илиҥҥэ федеральнай үптэн көрүллэн социальнай хайысхалаах 476 дьиэ тутулунна, 700 өрөмүөннэннэ: оскуолалар, уһуйааннар, поликлиникалар, ФАП-тар», — диэн судаарыстыба баһылыга эттэ.

«Кэлэр сылга бу бырагырааманан Уһук Илин субъектара федерацияттан 20 млрд солкуобайы ылыахтара. Мантан аҥаара доруобуйа харыстабылын инфраструктуратын сайыннарыыга барыаҕа», — диэн Путин эбэн эттэ.

Хаартыска — eastrussia.ru