Уһук Илин эрэгийиэннэргэ үлэлиир предпринимателлэргэ чэпчэтии көрүллүөҕэ  

Уһук Илин эрэгийиэннэргэ үлэлиир орто, дьоҕус бизнестээх дьоҥҥо чэпчэтиилээх кирэдьиит көрүллүөҕэ. Уһук Илиҥҥи федеральнай уокурукка барыта 11 эрэгийиэн киирэр. Бу соторутааҕыта Бурятия уонна Забайкалье киирбиттэрэ.

Уһук Илин федеральнай уокурукка билигин 300 тыһыынчаттан тахса орто, дьоҕус предпринимателлэр бааллар. Саха сиригэр предпринимательствоны өйүүр бырагыраама ылыллыаҕыттан, бэйэ дьыалатын тэринэн үлэ миэстэтин таһаарааччы быдан элбээтэ. Бу көрдөрүүтүнэн биһиги өрөспүүбүлүкэбит уон бастыҥ эрэгийиэннэр истэригэр киирсэр. Атырдьах ыйынааҕы дааннайынан, өрөспүүбүлүкэ үрдүнэн барыта 113,3 тыһыынчаттан тахса киһи бэйэ дьыалатынан дьарыктана сылдьар.

Саҥа көрүҥ кирэдьиитинэн тыа хаһаайыстыбатыгар, таһаҕаһы таһыыга дьарыктана сылдьар предпринимателлэр, ону таһынан гостиницалаах дьон туһаныахтарын сөп. Кирэдьиит бырыһыана дьоҕус бизнестээх дьоҥҥо – 4,5 %, орто бизнескэ – 3 % тэҥнэһиэҕэ. Кирэдьиит уон сылга бэриллэр, биир хампаанньаҕа 50 мөлүйүөн солкуобайтан 1 млрд солкуобайга диэри бэриллиэн сөп. Кирэдьиити оборудованиены атыылаһыыга, эбийиэктэри өрөмүөннээһиҥҥэ, саҥа производствоны атыылаһыыга ыытыахха сөп.

Аграфена КУЗЬМИНА