Уһук Илин эрэгийиэннэрэ 2024 сылга диэри инвестицияҕа төһө көхтөөхтөрүн “Востокгосплан” эспиэрдэрэ сыаналаатылар

Ааптар: 
Бөлөххө киир:

Уһук Илин эрэгийиэннэрэ 2024 сылга диэри инвестицияҕа төһө көхтөөхтөрүн “Востокгосплан” эспиэрдэрэ сыаналаатылар. Эспиэрдэр сыаналаабыттарын манна ааҕыҥ.

Уһук Илиҥҥэ инвестиция түмүллүбүт кээмэйэ 2024 сылга 8,2 трлн солкуобайга тэҥнэһиэҕэ диэн “Востокгосплан” тэрилтэ ырытааччылара билгэлииллэр.

Кинилэр Уһук Илин эрэгийиэннэрин ситэриилээх былаастара торумнаабыт социальнай-экэнэмиичэскэй сайдыыга сабаҕалааһыннарын ырытыыга олоҕурдулар.

Инвестицияҕа угуу сүрүн кээмэйэ уокурук биэс субъегын сиригэр-уотугар олоххо киирэр: Саха Өрөспүүбүлүкэтэ, Амур уонна Сахалин уобаластара, Хабаровскай уонна Приморскай кыраайдар. Балар түмүллүбүт инвестицияҕа ылар өлүүлэрэ 75,8 бырыһыаҥҥа тэҥнэһэр.

“Инвестицияҕа көхтөөх буолуу Чукотскай  автономнай уокурукка Баимскайдааҕы рудалаах зонаны баһылааһыны кытта сибээстээх. Еврейскэй автономнай уокурукка тырааныспар-логистика комплексын суотугар. Саха Өрөспүүбүлүкэтигэр Чайыҥдатааҕы баайдаах сири олоххо киллэриинэн, ону тэҥэ “Илин Сибиир –Чуумпу акыйаан” тыраассатыгар баар баайдаах сири баһылааһыны кытта”, — дииллэр эспиэрдэр.

Кинилэр этэр чахчыларынан, барыллыыр кэмҥэ инвестиция кээмэйэ 2020 сыл таһымыгар 118,0 бырыһыаҥҥа тэҥнэһэр, ити дойду киэнигэр тэҥнээтэххэ намыһах.

“Уһук Илин ФУо инвестициятын динамикатыгар Амур уобалаһыгар 2022-2024 сылларга инвестиция кээмэйэ аччааһына сабыдыаллыыр”, — диэн эспиэрдэр түмүктээтилэр.

Востокгосплан

Бэлэмнээтэ Женни Стрюкова

Хаартыска: тустаах саайтан.

+1
0
+1
0
+1
0
+1
0
+1
0
+1
0
+1
0