Уһук Илин баһылыктарын медиарейтинигэр Айсен Николаев бастаан иһэр
08.04.2020
«Медиалогия» хампаанньа оҥорбут кулун тутар 20 күнүнээҕи түмүгүнэн, Уһук Илин федеральнай уокурук баһылыктарын медиарейтиннэрин испиэһэгэр Айсен Николаев бастаан иһэр.
edersaas.ru
Үс бастакыларга Приморскай кыраай губернатора Олег Кожемяко уонна Сахалин уобалаһын баһылыга Валерий Лимаренко киирдилэр.
Бу рейтинг оҥоһулларыгар Айсен Николаев өрөспүүбүлүкэҕэ коронавирус тарҕаныытын утары үлэни күүскэ ыытан саҕалаабыта. Ол курдук, Ил Дархан Айсен Николаев мэдиссиинискэй маасканы атыылаһарга 150-200 мөлүйүөн солкуобайы көрбүтэ, Дьокуускай, Мииринэй, Нерюнгри куораттарыгар уонна Жатайга “самоизоляция” эрэсиимин олохтообута. Ону таһынан СӨ бырабыыталыстыбатын автобаазатыттан коронавируһу утары охсуһар мэдиссиинискэй тэрилтэлэргэ маассыналары анаабыта.
Ньургуйаана Иванова, «Саха сирэ” хаһыат, edersaas.ru
Хаартыска интэриниэттэн
+1
+1
+1
+1
+1
+1
+1