Уһук Илин эрэгийиэнигэр 2024 сылга диэри 40 аэропорт саҥардыллыаҕа. Ыытыллар үлэни Росавиация хонтуруоллуоҕа. Бу туһунан сэтинньи 27 күнүгэр буолбут Уһук Илин уокурук Сэбиэтин сүбэ мунньаҕар Юрий Трутнев иһитиннэрдэ.
edersaas.ru
Вице-премьер бырайыак хойутаан оҥоһуллан, үлэ тохтоон, сөмөлүөт көтөр-түһэр былаһаакката кэмигэр тутуллубакка, анаммыт үп туһаныллыбакка хааларын санатан, маннык аны хатыланыа суохтааҕын тоһоҕолоон бэлиэтээтэ. Уһук Илин эрэгийиэнигэр 2024 сылга диэри 40 авиапорт саҥардыллыаҕа, ол иһигэр Саха сиригэр – 16. Росавиация Уһук Илин сайдыытын министиэристибэтин кытта бииргэ үлэ хаамыытын электроннай сервис нөҥүө хонтуруоллуоҕа.
Ил Дархан Айсен Николаев Саха сиригэр аэропорт уонна аэродром саҥардыллара наадатын, хотугу улуустар, Нерюнгри, Дьокуускай куорат авиапордун көтөр-түһэр балаһалара өрөмүөннэниэх тустаахтарын бэлиэтээтэ.
Ньургуйаана Иванова, «Саха сирэ», edersaas.ru
Хаартыска ЯСИА сайтыттан
+1
+1
+1
+1
+1
+1
+1