«Уһук Илиҥҥи ипотека» бырагырааматынан өссө элбэх дьон туһанар кыахтаннылар. Ол курдук, дойду премьер-миниистирэ Михаил Мишустин туһааннаах уураахха илии баттаата.
Онон билигин 2%-наах чэпчэтиилээх ипотеканан дьиэ туттууга уонна атыылаһыыга Уһук Илин эрэгийиэнигэр биэс сылтан итэҕэһэ суох олорбут педагогтар уонна миэдиктэр туһанар кыахтанныар. Туһааннаах категория гражданнарыгар кирэдьиити ылалларыгар сааһынан хааччахтааһын суох.
Санатан эттэххэ, Дойду Аҕа баһылыга Владимир Путин былырыын Илиҥҥи экэнэмиичэскэй форум пленарнай мунньаҕар, РФ бырабыыталыстыбатын кытары чугастааҕы кэмҥэ, Уһук Илиҥҥэ чэпчэтиилээх ипотеканы кэҥэтии туһунан боппуруоһу көрүөхтээхтэрин иһитиннэрбитэ.
Уһук Илин эрэгийиэнигэр 2 %-наах ипотека бырагыраамата 2019 cыл ахсынньы 10 күнүттэн үлэлиир.
edersaas.ru