Уһук Илиҥҥи гектар: сири туһаныы декларациятын толоруу быйылгыттан саҕаланар

“Уһук Илиҥҥи федеральнай уокурук састаабыгар киирсэр Арассыыйа Федерациятын субъектарын сиригэр-уотугар судаарыстыбаннай итиэннэ муниципальнай бас билиигэ баар сир учаастактарын гражданнарга биэрии уратытын уонна Арассыыйа Федерациятын сорох сокуоннарын актатыгар уларытыылары киллэрии туһунан” сокуон чэрчитинэн, сир учаастагын босхо ылбыт киһи дуогабар түһэрсибитэ үс сылын туоллаҕына, боломуочуйалаах уоргаҥҥа сир учаастагын туһаныы туһунан Уһук Илин сайдыытын министиэристибэтинэн бигэргэммит декларацияны толоруох тустаах.

Саха Өрөспүүбүлүктигэр бу бырагырааманан гражданнарга сири биэрии 2016 сыл бэс ыйын 1 күнүттэн, Ил Дархан бирикээһинэн пилотнай оройуонунан билиниллибит “Нерюнгри оройуона” муниципальнай тэрээһинтэн саҕаламмыта, ити сыл алтынньы 1 күнүттэн “Уһук Илин гектарын” сокуонугар хапсыбат үс улуустан ураты бары улуустарга бэриллибитэ. Онон, сир учаастагын бастакынан ылбыт дьоннор 2019 сыл сыл бэс ыйын 1 күнүттэн быраабы регистрациялыыр уоргаҥҥа эбэтэр МФЦ-га декларация түһэриэхтээхтэр.

Раиса СИБИРЯКОВА, «Саха сирэ» хаһыат, edersaas.ru