Уһук Илиҥҥи гектар: Сири туһаныы декларациятын 18 300 киһи толордо

Ааптар: 
Бөлөххө киир:

Уһук Илиҥҥи федеральнай уокурук састаабыгар киирсэр Арассыыйа Федерациятын субъектарын сиригэр-уотугар судаарыстыбаннай итиэннэ муниципальнай бас билиигэ баар сир учаастактарын гражданнарга биэрии уратытын уонна Арассыыйа Федерациятын сорох сокуоннарын актатыгар уларытыылары киллэрии туһунан” сокуон 2016 сыллаахха киллэриллибитэ.

Бу сокуон чэрчитинэн, дьоннор сир учаастагын босхо ылан, сайылык оҥостоллор, оҕуруот үүннэрэллэр, сорохтор бааһынай хаһаайыстыбатын тэринэн, үлэ-хамнас араас көрүҥүн тэринэллэр. Мииринэй оройуонун Айхал бөһүөлэгин олохтооҕо Виктория Чекушкина ылбыт сиригэр дьиэ туттан, Тыл оскуолатын арыйан үлэлэтэр. Сокуон быһыытынан, сир учаастагын ылбыт киһи дуогабар түһэрсибитэ үс сылын туоллаҕына, боломуочуйалаах уоргаҥҥа сир учаастагын туһаныы туһунан Уһук Илин сайдыытын министиэристибэтинэн бигэргэммит декларацияны толорор. Онон 2019 сылтан саҕалаан, Саха Өрөспүүбүлүкэтигэр 18 300 киһи толордо. Сир учаастагын биэс сыл туһаммыт киһи ол сирин бас билиигэ эбэтэр уһун болдьохтоох түүлэһиигэ ылыан сөп. Уһук Илиҥҥи гектар сокуона быйылгыттан Арктика улуустарыгар эмиэ киллэрилиннэ.

Раиса Сибирякова.

+1
0
+1
0
+1
0
+1
0
+1
0
+1
0
+1
0