«Камчатка» диэн урутаан сайыннарыыга хабыллар сир-уот кэҥиир буолла.
Манна аналлаах дьаһалга РФ Бырабыыталыстыбатын бэрэссэдээтэлэ Михаил Мишустин илии баттаата. Маннык дьаһаныы саҥа инвестиционнай бырайыактары олоххо киллэриигэ төһүү күүһүнэн буолуоҕа. Чуолкайдыыр буоллахха, сотору Уус Камчатскай диэн оройуоҥҥа хайа-байытар кэмбинээти тутуу саҕаланыаҕа. Маны олоххо киллэрэргэ эрэгийиэҥҥэ 22 млрд солк. тыырыллыаҕа уонна бырайыак олоххо киирдэҕинэ, 1,3 тыһ. үлэ саҥа миэстэтэ тахсыаҕа.
Маны тэҥэ, РФ Бырабыыталыстыбатыгар Хабаровскай кыраайга «Николаевскай», Амур уобалаһыгар «Свободнай» урутаан сайыннарыы сирин-уотун кэҥэтиигэ дьаһал ылылынна. Санатар буоллахха, Уһук Илин уокурук үрдүнэн 22 урутаан сайыннарыы сирэ-уота баар. Барыта 587 резидент үлэлиир.