Уһук Хоту оройуоннар уонна итиннэ тэҥнэммит сирдэр-уоттар кэрискэлэрэ бигэргэннэ
Бырабыыталыстыба Уһук Хоту оройуоннар уонна итиннэ тэҥнэммит сирдэр-уоттар кэрискэлэрин оннор олорор дьоҥҥо толуйууну төлөөһүҥҥэ уонна госмэктиэлэри биэриигэ анаан бигэргэттэ. География өттүнэн ыллахха кэрискэ уларыйбата. Саҥа барыл дойду аныгы муниципальнай-сирин-уотун тутулугар сөп түбэһэр.
Бу нэдиэлэҕэ Бэрэсидьиэн ыйааҕынан эргэ аакталар тохтотуллубуттара. Онон сибээстээн Бырабыыталыстыба бэйэтин уурааҕынан саҥа кэрискэни бигэргэттэ.
Уһук Хоту дойду оройуоннарыгар уонна итиннэ тэҥнэммит сирдэргэ кэккэ куораттар, куорат уокуруктара, муниципальнай уокуруктар уонна өрөспүүбүлүкэ оройуоннара киирэллэр. Ол курдук, Алтай, Бурятия, Карелия, Коми, Тыва, Забайкальскай, Красноярскай, Хабаровскай, Пермскэй, Приморскай кыраайдар, Амур, Архангельскай, Иркутскай, Сахалинскай, Томскай, Тюмень уобаластара, Ханты-Мансийского автономнай уокурук – Югры, ону тэҥэ Саха Өрөспүүбүлүкэтэ, Магадан, Мурманскай уобаластар, Ненецкэй, Чукотка, Ямало-Ненецкэй автономнай уокуруктар уонна Камчатка кыраайа бүттүүнэ киирэллэр.
Бу кэрискэҕэ киирбит сирдэр олохтоохторо сокуоҥҥа олоҕуран судаарыстыба мэктиэлэрин уонна толуйууларын ылыахтара.
Бэрэсидьиэн Ыйааҕа уонна Бырабыыталыстыба уурааҕа болдьоҕо ыйылынна уонна күүһүгэр 2022 сыл тохсунньу 1 күнүттэн киириэхтэрэ.
РФ Бырабыыталыстыбатын саайтыттан
Бэлэмнээтэ Женни Стрюкова
Хаартыска: тустаах саайтан