Уһук Хоту олорор биэнсийэлээхтэр бырайыаһынан туһаналларыгар ыспыраапка ирдэммэт буолла
РФ бырабыыталыстыбатын бэрэссэдээтэлэ Михаил Мишустин соторутааҕыта Уһук Хоту олорор биэнсийэлээхтэр айанныылларыгар, санаторийга, профилакторийга, аймахтарыгар барбыттарын туһунан туоһулуур ыспыраапка ирдэммэтин туһунан дьаһалга илии баттаата.
Судаарыстыбаннай Дуума дьокутаата Галина Данчикова Саха сирин быыбардааччыларын көрдөһүүлэрин федеральнай министиэристибэлэргэ, биэдэмэстибэлэргэ хас да сылы быһа туруорсубута. Икки сылга биирдэ төлөнөр бырайыаска тоҕо ыспыраапка, докумуон көрдөнүөхтээҕий диэн.
«Саха сирин олохтоохторун кытары көрсөрбөр, туһааннаах боппуруоһу өрүү туруорсааччылар. Аймахтарыгар, оҕолоругар күүлэйдии, сынньана баралларыгар хантан докумуон ылалларын туһунан», — диэн Галина Данчикова кэпсээтэ.
Бу боппуруоһунан Данчикова РФ Үлэҕэ уонна социальнай сайдыыга министиэристибэтигэр, Биэнсийэ пуондатыгар элбэхтик кэпсэтии ыыппыта. Онон дьэ муус хамсаан, туһааннаах дьаһал таҕыста.
edersaas.ru
http://galinadanchikova.ru/galina-danchikova-vypolnila-nakaz-izb/