Мүрүтээҕи 17-с №-дээх «Сардаана» оҕону сайыннарар киин (салайааччы Альбина Александровна Борисова) Бүтүн Арассыыйатааҕы «Эколята-дошколята» социальнай-үөрэтэр бырайыагынан үлэлээбитэ номнуо үһүс сылыгар барда.
edersaas.ru
Бу кэм устата улуус, өрөспүүбүлүкэ, Арассыыйа, ону тэҥэ норуоттар икки ардыларынааҕы араас күрэхтэргэ ситиһиилэрэ үгүс. Улууска ааспыт үөрэх дьылыгар «Эко-книжка» оскуола иннинээҕи саастаах оҕолорго, кинилэр төрөппүттэригэр сонун, ураты күрэх, оскуола иннинээҕи саастаах оҕолорго «Умный взгляд на мусор» научнай-практическай кэмпириэнсийэ бэрт сэргэхтик ыытыллыбыттара. Тэрээһиҥҥэ улуус оҕолоро көхтөөхтүк кыттыбыттара. Быйыл кэлэктиип үлэһиттэрэ «Природа — наш дом» диэн логотиптаах бэйэлэрэ тикпит эко-суумкаларын аахсыйа быһыытынан, айылҕаны харыстыаҕыҥ диэн ыҥырыылаах Мүрү нэһилиэгин олохтоохторугар түҥэттилэр. Инникитин бу аахсыйаҕа үөрэх тэрилтэлэрин кытыннаран кэҥэтэн салгыыр баҕалаахтар. Кэлэктиип айымньылаах үлэтигэр ситиһиини баҕарыаҕыҥ!
«Сардаана» уһуйаан методиһа Софья ФЕДОРОВА.