Уһуйааҥҥа чөл олох бырайыагын саҕалаатылар

Бөлөххө киир:

Ньурба улууһун Күндээдэ нэһилиэгэр оҕо саадын кэлэктиибэ Доруобуйа сылын чэрчитинэн “Чөл турук – чөл кэлэктиип” бырайыагы саҕалаата.

Ол курдук, үлэһиттэр биир киһи курдук эбии үөрэхтээһин уһуйааччыта О.Е. Иванованы кытта “Ойордоох оптуорунньукка” саалаҕа, оттон “Чэбдик чэппиэргэ” физрук А.К. Петрова салалтатынан тиэргэҥҥэ үөрэ-көтө дьарыктаналлар.

— Доруобай, чэгиэн эт-сиин – бу чөл өй-санаа, сиэр-майгы. Оттон чөл туруктаах киһи кыайыылаах-хотуулаах, ситиһиилээх-таһаарыылаах үлэһит. Кэлэктиипкэ маннык үлэһит элбэх буоллаҕына, тэрилтэ бүттүүн үлэтэ көхтөөх, ситиһиилээх, таһаарыылаах буолара саарбаҕа суох, — диэн бырайыак ааптара, уһуйаан сэбиэдиссэйэ Венера Степанова этэр.

Иитээччилэрин чөл олоххо сыһыаннарын көрө сылдьар кырачааннарга бу үтүө холобур буолар. «Оҕону иитиэххин баҕардаххына, бэйэҕиттэн саҕалаа» диэн мээнэҕэ этиллибэт.

Ангелина Васильева, “Саха сирэ” хаһыат, edersaas.ru 

Хаартыска: В.И. Степанова.

+1
0
+1
0
+1
0
+1
0
+1
0
+1
0
+1
0