Инстаграм социальнай ситимигэр хаартыскаҕа түһэриинэн үлүһүйэн дьарыктанар талааннаах фотограф, Таатта улууһун олохтооҕо Галина Давыдова «Амма өрүскэ уу аннынааҕы олох» хаартыскаларын подборкатын таһаарбыта биһирэбили ылла.
edersaas.ru
Бу туһунан Галина Давыдова санаатын үллэһиннэ:
— Хаартыскаҕа түһэриинэн дьарыктаныахпыттан уу аннын устуохпун, үйэтитиэхпин уруккуттан саныырым. Ол санаа миэхэ оҕобун кытта Таилаҥҥа сырыттахпына киирбитэ. Дьэ, ити санаабын ситиһэн, бу түөрт хонуктааҕыта Амма эбэҕэ тиийэ сылдьан боруобалаатым. Ити дьэрэкээн балыктар хаахынайдар буолаллар. Уу анна хаһан баҕарар таайтарыылаах, угуйар алыптаах. Бу бастакы холонуум буолбатах. Өссө Индигир эбэҕэ, Байкал күөлгэ эмиэ хаартыскаҕа түһэрэн холонон көрбүтүм. Киһи сылдьарын тухары кэрэни кэрэхсиирин үйэтитиэн баҕарара билигин аныгы үйэҕэ олус табыгастаах буолла. Айаны-сырыыны эрэ кыайар буолбакка, табыгастаах камералар, фотоаппарааттар бааллара көмөлөһөр.
Ульяна Захарова, edersaas.ru
+1
+1
+1
+1
+1
+1
+1