“Тыыннаахтар умнубат сыллара” ырыа Кыайыы күнүгэр «День победы» курдук хайаан да ылланар. Саха “Священная война” ырыата диэтэхпитинэ, арааһа, сыыһыахпыт суоҕа. Ырыа тылын ааптара
Петр Одорусов, Николай Бойлохов матыыба.
Кыайыы күнүгэр Үөһээ Бүлүү сэлиэнньэтигэр киэһэ «Тыыннаахтар умнубат сыллара» ырыа ылламмыта 45 сылыгар анаан кэнсиэр, салют оҥорбуттара.
Александр ТАРАСОВ, «Саха сирэ» хаһыат, edersaas.ru
Ол кэнсиэркэ бу ырыаны СӨ култууратын үтүөлээх үлэһитэ Анна Петровна Иванова-Дмитриева олус аһыллан, ис сүрэҕиттэн ыллаабыта. Кэнсиэр кэмигэр эҕэрдэ тылы ырыа матыыбын айбыт Николай Бойлохов уола Александр Бойлохов уонна кийиитэ Любовь Бойлохова эппиттэрэ.
Люция Тойтонова, Үөһээ Бүлүү улууһун баһылыгын солбуйааччы:
— Кыайыы күнүгэр аналлаах кэнсиэр олус долгутуулаахтык ааспыта. «Тыыннаахтар умнубат сыллара» ырыаны саха дьоно сөбүлүүллэрин итэҕэттилэр. Кыайыы күнүн салюта бу ырыа 45 сылыгар анаммыта.
«Тыыннаахтар умнубат сыллара» ырыа араас сылларга
1970 сыл — Улуу Кыайыы 25 сылыгар «Тыыннаахтар умнубат сыллара» ырыа тыла уонна нотата «Коммунизм сардаҥата» хаьыат ыам ыйын 9 күнүнээҕи нүөмэригэр аан бастаан тахсыбыта.
1971 сыл — Үөһээ Бүлүү типографиятыгар мелодист Георгий Максимович Никифоров бэлэмнээн таһаартарбыт «Үөрүү кыыма» диэн репертуарнай кинигэтигэр «Тыыннаахтар умнубат сыллара» ырыа тыла уонна нотата бэчээттэммитэ.
1972 сыл — бэс ыйын 26 күнүгэр өрөспүүбүлүкэтээҕи телевизионнай фестивальга «Тыыннаахтар умнубат сыллара» ырыаны толорон хор кэлэктиибэ III степеннээх дипломунан наҕараадаламмыта.
1973 сыл — тохсунньу 28 к. Иркутскай куоракка Илин Сибиир зонатын уус-уран самодеятельноһын көрүүтүгэр Анна Петровна Дмитриева «Тыыннаахтар умнубат сыллара» ырыаны толорон лауреат буолбута.
1973 сыл — бэс ыйын 21 к. ыччат V-c өрөспүүбүлүкэтээҕи фестивалыгар «Тыыннаахтар умнубат сыллара» ырыаны Горнай оройуонун ырыаһыта Раиса Семенова ситиһиилээхтик толорон хайҕаммыта.
1978 сыл — муус устар 13, 14, 15 күннэригэр Дьокуускай куоракка «Якутскай-1978» диэн сэбиэскэй тыыннаах ырыаларга бастыҥ толорооччулар куонкурустарыгар Анна Петровна Дмитриева «Тыыннаахтар умнубат сыллара» ырыаны толорон дипломана буолбута.
1980 сыл — алтынньы 15 к. «Тыыннаахтар умнубат сыллара» ырыа Бүтүн Сойуустааҕы пуондаҕа уһуллубута.
1980 сыл — Саха сиринээҕи кинигэ издательствота «Ыччат ырыата» диэн улахан хомуурунньукка «Тыыннаахтар умнубат сыллара» ырыа тыла уонна нотата бэчээттэммитэ.
1982 сыл — Ленинградка Бүтүн Сойуустааҕы мелодия фирма «Ырыа ыһыаҕа» диэн ааттаан элбэх сахалыы ырыалардаах грампластинкаҕа Анна Петровна Дмитриева толоруутугар «Тыыннаахтар умнубат сыллара» ырыа киирбитэ.
https://m.youtube.com/watch?v=kGTvPFzzVMg