Кырдьаҕастарга кыһамньы

Бөлөххө киир:

Норуоттар сомоҕолоһууларын күннэригэр «Бэтэрээннэргэ кыһамньы»  аахсыйа чэрчитинэн тэрээһин буолла. СӨ үтүөлээх юриһа, РФ ИДьМ тырааныспарга линейнай управлениетын уопсастыбаннай сэбиэтин бэрэссэдээтэлэ Юрий Припузов бу туһунан сырдатта.

—«Бэтэрээннэргэ кыһамньы» социальнай аахсыйа чэрчитинэн, тэрээһиннэр тиһиктээхтик ыытыллаллар. Ол курдук, бу аахсыйаны өйөөн, РФ ИдьМ тырааныспарга линейнай управлениета А.Е.Кулаковскай аатынан норуоттар доҕордоһууларын дьиэтигэр Норуоттар сомоҕолоһууларын күнүгэр аналлаах үөрүүлээх тэрээһиҥҥэ  уонна Улуу Кыайыы 75 сылын көрсө  Дьокуускай куораттааҕы кырдьаҕастар интэринээт-дьиэлэриттэн  аҕам саастаахтары сырытыннарарга көмө, өйөбүл буолла, бэтэрээннэри эҕэрдэлээтэ. Бу күн тэрээһиҥҥэ   интэринээт-дьиэҕэ олорор үлэ, тыыл бэтэрээннэрэ, уопсайа 20 киһи кэнсиэргэ сырытта, бэлэх тутан үөрдэ.  Кинилэри тиэйэн илдьэргэ-аҕаларга бу тэрилтэ кыһамньытын, болҕомтотун уурда.  Кырдьаҕастарга сылаас сыһыанын, амарах санаатын, өйөбүл буоларга мэлдьи бэлэмин биллэрдэ.

Биллэн турар, маннык хайысхалаах аахсыйалар, тэрээһиннэр СӨ киһи быраабын боломуочунайа Сардаана Гурьева улахан өйөбүлүнэн, көхтөөх кыттыытынан өрө көтөҕүллүүлээхтик тэриллэллэр. Маннык тэрээһини биһиги тэрилтэбит өйүүргэ мэлдьи бэлэм. Ол курдук, социальнай хайысхалаах аахсыйалар ыытыллаллар, ытык кырдьаҕастарга сүбэлэр-амалар бэриллэллэр. Маны сэргэ, саха тэлэбиидэнньэтин көмөтүнэн быһа сибээскэ тахсан дьону-сэргэни кытары кэпсэтии эмиэ ыытыллар.

+1
0
+1
0
+1
0
+1
0
+1
0
+1
0
+1
0