“Изоляция” эрэсиимэ соһуччу киирэн, үгүс дьон дьиэҕэ олорорго күһэллибиттэрэ. Сорохтор оптуобус айаныгар туттуллар тырааныспар каарталарын саҥардыы ылан, туһаммакка да хаалбыттара.
“Алмаасэргиэнбаан” тырааныспар каарталарын болдьохторо төһө да аасталлар, бырахпаккытыгар сүбэлиир. “Изоляция” эрэсиимэ бүппүтүн бастакы күнүттэн, бэс ыйыттан каарталар болдьохторо уһатыллан биэриэхтэрэ. Оччотугар, туһаммакка хаалбыт айан ороскуотун толуйуллар. Ханна да баран, уһаттара сатыыр ирдэммэт, каарта болдьоҕо бэйэтэ уһаан биэрэр.
Элбэх оҕолоох ыаллар ыйдааҕы бүддьүөттэригэр айан-суолун ороскуота ботуччу охсор буолуохтаах. Ыраах олорор, күннэтэ үлэҕэ-үөрэххэ кэлээри икки оптуобуһу уларытар дьон бааллар. Онон, тырааныспар каарталарын ситэри туһаммакка хаалбыт буоллахтарына, кинилэргэ үөрүүлээх сонун.
Ангелина Васильева, «Саха сирэ» хаһыат, edersaas.ru
Хаартыска: yakutia24.ru
+1
+1
+1
+1
+1
+1
+1