Бу күннэргэ Өймөкөөн улууун баһылыга Иннокентий Сивцев уонна дьокутааттар улуустааҕы муниципальнай сэбиэттэрин салайааччыта Татьяна Алферова нэһилиэктэринэн сылдьан, кыстык уонна оттук сезонугар бэлэми, социальнай эбийиэктэр туруктарын көрдүлэр-иһиттилэр.
edersaas.ru
Улуус салалтатын кытта «Теплоэнергосервис» АУо генеральнай дириэктэринэн саҥа анаммыт Максим Трофимов сырытта.
— Бөдөҥ биэдэмистибэ салайааччыта улуус нэһилиэктэрин коммунальнай хаһаайыстыбаларын тэрилтэлэрин үлэһиттэрин кытта сирэй көрсөн билистэ, хочуолунайдар кытыкка бэлэмнэрин үөрэттэ. Максим Трофимов Томтор нэһилиэгэр «Рабочай» микро-оройуон баччааҥҥа диэри киин хочулуонайга холбоно илигин болҕомтоҕо ылла. Онон бу боппуруоһу биэдэмистибэ салалтатын кытта бииргэ быһаарыахпыт«, — диэн бэлиэтээтэ улуус дьаһалтатын баһылыга Иннокентий Сивцев.
Бэлиэтээн эттэххэ, «Теплоэнергосервис» АУо салалтата улуус нэһилиэктэригэр дэҥҥэ көстөр ыалдьыт буолааччы. Онон нэһилиэктэр олохтоохторо улуус баһылыгар Иннокентий Сивцевкэ хаһыс да сырыытын өрөспүүбүлүкэтээҕи бөдөҥ биэдимистибэлэр салайааччыларын тыа сиригэр анаан аҕалан, балаһыанньаны бэйэлэринэн көрөн-истэн баралларын ситиһэригэр махталларын тиэрдэллэр.
Тыа сиригэр оскуолалар өрөмүөннэригэр улахан болҕомто уурулунна. Үчүгэйгэ саҥа оскуола тутулла турар.
Улуус дьаһалтатын салалтата тыа сиригэр атын социальнай эбийиэктэри, былаһааккалары, искибиэрдэри тупсарыыны эмиэ хонтуруолга ылла. Баһылык салалталыын көрсүөн баҕалаах дьону кытта сирэй көрсөн кэпсэттэ.
Бу күннэргэ улуус баһылыга Иннокентий Сивцев атырдьах ыйын 27 күнүнээҕи 418 №-дээх дьаһалынан балаҕан ыйын 1 күнүттэн оттук сезона саҕаланыаҕа.
Елена ПОТОЦКАЯ, «Саха сирэ» хаһыат, edersaas.ru