Уопсастыба

Тымныыга төрөппүт оҕотун оскуолаҕа ыытымыан сөп. Ол эрээри…

Саха сирин тоһуттар тымныылара түстүлэр. Оскуолаҕа үөрэнэр оҕолордоох төрөппүттэр сарсыарда аайы кыраадыһы маныылар. Оҕолорун үөрэтэ ыыталларын дуу, ыыппаттарын дуу толкуйдууллар. Тымныы, туманнаах диэтэхтэринэ ыыппат бырааптаахтар.

edersaas.ru

Ити туһунан Дьокуускай куорат үөрэҕин управлениетын начаалынньыгын солбуйааччы Мирослав Афанасьев “Саха” НКИХ иһитиннэрдэ. “Маҥнай официальнай кыраадыһы көрөр. Ол гынан баран, төрөппүт халлаан тымныйбытынан оҕотун оскуолаҕа ыытымыан сөп. Киниэхэ оннук бырааптаах. Бу түгэҥҥэ оҕото ыраахтан олорон (дистанционно) үөрэнэрин хааччыйыахтаах” – диэн эттэ.

Дьокуускай куоракка икки ыстаансыйа чахчыта көстөр: Гимеин уонна Аэропорт. Бу икки ыстаансыйаттан хайата намыһаҕын учуокка ылан, актированнай күн биллэриллэр, сарсыарда аайы ugms14.ru саайтынан сирдэтиниэхтэрин сөп” – диэн быһаарда.

Манна даҕатан эттэххэ, быйылгыттан Дьокуускай куоракка кыраадыһы эрэ буолбакка, Роспотребнадзор сүбэтинэн, тыал күүһүн эмиэ учуоттуур буоллулар.

Гидрометеорологияны уонна тулалыыр эйгэни кэтээн көрөр Дьокуускайдааҕы управление метеоролога Виталий Алексеев иһитиннэрбитинэн, Саха сиригэр халлаан туругун барыта 99 метеоыстаансыйа уонна 67 пост нөҥүө кэтээн көрөллөр эбит.

 

Людмила ПОПОВА, “Саха сирэ” хаһыат, edersaas.ru

Хаартыска: Мария ВАСИЛЬЕВА (СИА).

0
0

Добавить комментарий