Тымныы полюһун дьахталларыгар — тыыннаах сибэкки дьөрбөтө

Ааптар: 
Бөлөххө киир:

Өймөкөөн улууһун эр дьоно бүгүн, кулун тутар 8 күнүгэр, Аан дойдутааҕы дьахталлар күннэринэн сибээстээн, нэһилиэктэрин дьахталларыгар соһуччу бэлэҕи — тыыннаах сибэкки дьөрбөтүн  туппутунан дьиэлэригэр киирэн кэлэн, соһуттулар да, үөртүлэр да.

Атын сирдэргэ сибэкки дьөрбөтүн бэлэҕэ, биллэн турар,  буолуохтааҕын курдук буолуо. Оттон Тымныы полюһун ыраах нэһилиэгэр тыыннаах сибэкки — тюльпан, кырдьык да, олус соһуччу бэлэх.

Өймөкөөн улууһун Төрүт нэһилиэгин дьаһалтатын баһылыга Владимир Алексеев уонна баһылыгы солбуйааччы Алексей Кондаков тыыл бэтэрээннэригэр уонна сэрии оҕолоругар тыыннаах сибэкки дьөрбөтүн туттардылар уонна истиҥ баҕа санааларын эттилэр.

Оттон Үчүгэй нэһилиэгин 15 киһилээх Эр дьон сэбиэтэ түөрт массыынанан сылдьан, нэһилиэктэрин дьахталларыгар — БАРЫЛАРЫГАР кулун тутар 8 күнүнээҕи үгэс буолбут «дьахтар күндү сибэккитин»  — тюльпаны бэлэхтээтилэр.

Бу буоллаҕа — дьахтарга ДЬИҤНЭЭХ БОЛҔОМТО!

Елена ПОТОЦКАЯ, «Саха сирэ» хаһыат, edersaas.ru

Хаартыска: Аяна Эверстова тиксэриитэ.

+1
0
+1
0
+1
0
+1
0
+1
0
+1
0
+1
0