Ааспыт нэдиэлэҕэ Германияттан Russia today Deutschland телеханаал аан дойду саамай тымныы сирин – Тымныы полюһун Өймөкөөн туһунан дириҥ ис хоһоонноох документальнай киинэни устан барда.
Суруналыыстар Томас Фасбендер уонна Лео Разумовски Тымныы полюһун туһунан бу 14-с документальнай киинэлэрэ.
Бу сырыыга эдэр дьон Өймөкөөҥҥө туристары хайдах көрсөллөрүн, туох интэриэһинэй туристическай маршруттары көрдөрөллөрүн интэриэһиргээн уһуллулар. Ол курдук, кэлиҥҥи кэмҥэ сылгыһыт Владимир Итегелов сылгы иитэр баазатыгар туристар тоҕо “орох тарпыттарын” интэриэһиргээтилэр.
Уонна ол кистэлэҥин тобуллулар – сылгылар сири хаһан аһыыллар уонна чысхаан тымныыга аһаҕас халлаан анныгар кыстыыллар эбит!
Биллэн турар, саха киһитигэр бу көстүү олоҕун укулаата буоллаҕына, Германия олохтоохторун олус соһутара чахчы. Бу туһунан novosti_sakha бэйэтин инстаграмыгар суруйда.
Елена ПОТОЦКАЯ, “Саха сирэ” хаһыат, edersaas.ru
Хаартыска — novosti_sakha инстаграмыттан.