Тымныы полюһугар эдэр ийэ хаарынан остуоруйа дойдутун кыһан оҥордо

Ааптар: 
27.12.2020
Бөлөххө киир:
Whatsapp
Kөrdөө

Бу күннэргэ Тымныы полюһа Өймөкөөн улууһун Биэрэк Үрдэ нэһилиэгэр эдэр ийэлэр кэлэр сыл бэлиэтин Оҕуһу, Чысхааны уонна Хаарчаананы хаарынан оҥорон туруордулар.

Бу туһунан уһуйаан иитээччитэ Таатталана Стефанчук бу курдук кэпсиир:

— Биһиги, эдэр ийэлэр, «Туллукчаан» оҕо саадын иитээччилэрэ Нелли Уваровская, мин уонна балыыһа фельдшерэ Сардана Винокурова, бибилэтиэкэрдэр Маргарита Винокурова, Надежда Слепцова көҕүлээһиннэринэн иккис сылбытын бу маннык хаар оҥоһуктары оҥоробут.

Хаар оҥоһуктары барытын Сардана Винокурова бэйэтэ хаары кыһан оҥорор.

«Саха сатаабатаҕа суох» диэн мээнэҕэ эппэттэр. Биһиги, Биэрэк Үрдүн олохтоохторо, маннык кыыстаахпытыттан үөрэбит.  Сардаана Евгеньевна — эдэр ийэ, икки уол оҕолоох. Улахана үстээх, кырата үс ыйдаах. Кини уруһуйдуурун олус сөбүлүүр.
Көхтөөх төрөппүт өрүү саҥаттан-саҥа сүүрээни толкуйдуур, олоххо киллэрэр.
Бу оҥоһуктары бэйэтэ ис санаатын ууран туран, көннөрү  саха быһаҕынан кыһан оҥордо. Бастаан оҥоһугун хайдах буолуохтааҕын уруһуйдаан көрөн оҥорор.

Хаары эдэр ийэлэр дьиэ кэргэнинэн түмсэн, бэйэбит салаасканан таһан кутабыт мунньабыт. 
Ол курдук, Уваровскайдар, Стефанчуктар,  Винокуровтар,  Слепцовтар дьиэ кэргэннэригэр Евгений Готовцев көмөлөһөн, быйыл Дьыл Оҕуһун хаар-муус дойдутун оҥордубут.
Киэһэ аайы бу саарыстыба араас өҥүнэн күлүмүрдээн, нэһилиэк олохтоохторугар саҥа дьыллааҕы тыыны бэлэхтиир.

Сардаана Винокурова бу хаар оҥоһуктары нэдиэлэ курдук холкутук кыһан оҥордо. Харыйабытын, биллэн турар, нэһилиэк эр дьоно туруораллар. Нэһилиэкпитигэр ыраахтан көстөр харыйаны былырыын Биэрэк Үрдүн олохтоохторо  уонна нэһилиэкпититтэн төрүттээх киин куоракка олохсуйан олорор дьон харчынан кыттыһан, нэһилиэк баһылыга Павел Васильев өйөөн, Дьокуускайтан аҕалтарбыппыт. Онон быйыл бу лаглайбыт күөх харыйабыт иккис сылбытын биһиги хаар оҥоһуктарбыт остуоруйатааҕы саарыстыбаларын киэргэтэр.

… Бу курдук эдэр ийэлэр нэһилиэк олохтоохторун көмөтүнэн сыл аайы саҥа дьыллааҕы тыыны саҕаллара үгэскэ кубулуйда.

Елена ПОТОЦКАЯ, «Саха сирэ» хаһыат, edersaas.ru

Хаартыска — Таатталана Стефанчук тиксэриитэ.

+1
0
+1
0
+1
0
+1
0
+1
0
+1
0
+1
0
Поделиться:
Эдэр саас
Ойуурбут баһаарга былдьанан эрэр
Кэпсээннэр
Дьылҕа бэлэҕэ (КЭПСЭЭН)
Маны ааҕыҥ
Кэпсээннэр
Биир бэйэтигэр биэс киһи харчытын (ОЛОХХО БУОЛБУТ ТҮБЭЛТЭ)
Тургутук
ТУРГУТУК: «От үлэтэ – олох үөһэ»
Эдэр саас
«Үлэлиир киһи тугу барытын кыайар!»: «Работай в Якутии» бэстибээл эдэр ыччаты түмэр
Салгыы