Тымныы оҕонньор Хаарчаанатынаан сыарҕалаах атынан Тиит Арыыга көтүтэн тиийдилэр

Ааптар: 
12.12.2020
Бөлөххө киир:

Бэҕэһээ, бээтинсэ күн, Хаҥалас улууһун Тиит Арыы нэһилиэгэр «Эркээйи » Кклтуура киинин үлэһиттэрин тэрийиилэринэн Саҥа дьыллааҕы Харыйа уота араас өҥүнэн  күлүмүрдүү умайда. 

edersaas.ru

Бэрт сэргэх тэрээһин туһунан нэһилиэк дьокутаата, уопсастыбанньык Маргарита Кузьмина сонунун бу курдук кэпсээтэ:

Нэһилиэк олохтоохторо кыһыҥҥы тыаттан Тымныы оҕонньор Хаарчаанатынаан бырааһынньыктыы симэммит сыарҕалаах атынан көтүтэн киириилэрин  түннүгүнэн көрөн, үөрэ-көтө көрүстүлэр.

Ордук «Кэнчээри»  уһуйаан кырачааннара түннүктэриттэн арахсыбатылар.

Тымныы оҕонньор кырачааннары таһырдьаттан туран эҕэрдэлээн, остуоруйаны тилиннэрдэ.

Ол киэһэ Тиит Арыы үгүс кырачаан  олохтооҕо Тымныы  оҕонньор тыаттан тахсан кэлбитин дьиэтигэр кэпсээбитинэн киирдэҕэ…  

Остуоруйа салгыы салҕанна. Култуура дьиэтин таһыгар турар харыйа аттыгар  быйылгы ааһан эрэр сыл хаһаайката Кутуйах үүнэр сыл бэлиэтин Оҕуһу кытта уун-утары көрсө түстүлэр!

Иккиэн өр куустуһан турдулар. Бу кэмҥэ Кутуйах хайдахтаах уустук сыл ааһан эрэрин, онно кини туох да сыһыана суоҕун, дууһатын кылынан таайтарда. Оҕус «барытын оннун булларыам!» диэбиттии, сүр улаханнык мөҥүрээн ылла.

Ити кэмҥэ Тымныы оҕонньор Хаарчаанатынаан харыйа уотун уматан, Тиит Арыыга Саҥа дьыл тыына кэлбитин биллэрдилэр. Олус үөрүүлээх түгэн буолла!

«Эркээйи» култуура киинин үлэһиттэригэр олох остуоруйатын киинэҕэ уһулан бэлэх ууммуттарыгар, нэһилиэк дьоно истиҥ махталларын тиэртилэр.

Аны да маннык кэрэ түгэннэр олохпутугар үксүү турдуннар!

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0