Тымныйыыга, кириипкэ ханнык эмтэри иһэбит?

Бөлөххө киир:

Доруобуйа харыстабылын министиэристибэтэ коронавируснай инфекцияны ханнык эмтэринэн эмтиир туһунан быһаарыыны тарҕатта.

Коронавируһунан ыалдьыы чэпчэки көрүҥэ күһүҥҥү тумуу сибикилэригэр маарынныыр буолан, диагноһа бигэргэниэр диэри эмтииргэ ИФН-α назальнай көрүҥүн, ИФН индуктордары сэргэ, умифеновир курдук вируһу утары охсуһар эмтэри эмиэ киллэриэххэ сөп эбит.

Умифеновир

Бу эмп интерфероннары, килиэккэлээх уонна гуморальнай иммунитет бөҕөргүүрүн көҕүлүүр. Онон 2 саастаах оҕолортон саҕалаан улахан дьоҥҥо А,В кирииби, тумууну (ОРВИ) эмтиир уонна сэрэтэр кыахтаах. Аптекаҕа ырыссыаба суох атыыланар.

Умифеновир састааптаах эмтэр: “Арбидол”, “Арпефлю”, “Арбидол Максимум”, “Умифеновир”.

Иммуномодулятордар уонна иммуностимулятордар

Бу эмтэр эмиэ ырыссыаба суох атыыланаллар. Холобур, азоксимер бромида вируһу утары охсуһар, интерфероннары элбэтэр, иммунитеты күүһүрдэр.

Манна “Кагоцел”, “Меглюмина акридонацетат”, “Тилорон” диэн эмтэр киирсэллэр.

Интерфероннар

Тумууга да, коронавируска да интерфероннары туһаныахха сөп. “Альфа-2а” парентеральнай интерферон өссө 2012 сыллаахха өрө турбут MERS-CoV инфекцияҕа көдьүүстээҕэ көстүбүтэ. РФ доруобуйа харыстабылыгар министиэристибэтэ бу интерферону оҕолорго, хат дьахталларга, улахан дьоҥҥо ыарыыны сэрэтэр инниттэн муннуга хааппыланан кутарга сүбэлиир.

Иммунитеты бөҕөргөтөргө интерфероннаах “Реаферон-ЕС», «Альтевир», «Виферон», «Лайфферон», «Гриппферон», «Бинноферон-Альфа» о.д.а. муннуга кутуллар хааппылалары туһныахха сөп.

Ангелина Васильева, «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0