Бүлүү улууһун Тылгынытыгар алтынньы 27 күнүгэр суһал ыстаап сүбэ мунньаҕар баһылык Е.А.Иванов «Сүрүн болҕомтону — балыыһабытыгар!» — диэн сорук туруорбутун туһунан нэһилиэк дьаһалтатын инстаграмҥа сирэйигэр @tylgynyadm суруйар.
edersaas.ru
Тылгыныттан төрүттээх Дьокуускай куоракка олорор биир дойдулаахтарын кытары сүбэлэһэн баран, олохтоох балыыһаҕа кварцевай лаампалары ылыыны сүбэлэспиттэр. Биир дойдулаахтар түмсүүлэрин салайааччыта Чокуур Гаврильев бу бопппуруоһу түргэнник быһааран, Дьокуускайдааҕы землячество нэһилиэк үбүлүөйүгэр муспут харчытынан балыыһаҕа алта устуука ыйанар лаампа (бактерициднай) уонна 1 соһо сылдьан туһаныллар сиргэ ууруллар кварцевай лаампа ыллылар.
— Уопсайа 76 330 солкуобайга оборудование атыыластылар. Лаампалары «Күүлэт» ПО салайааччыта Раиса Герасимовна суоппара аҕалыахтаах диэн сүбэлэспиттэр. Бу уустук кыстыкка балыыһабытыгар элбэх уу-хаар наада буолара, сырыы-айан тахсара сабаҕаланар. Нэһилиэкпит тэрилтэлэрэ бары балыыһаҕа муус ылан, тиэйэн биэрэргэ сүбэлэстилэр, — диэн олохтоох дьаһалта @tylgynyadm иһитиннэрдэ.
edersaas.ru